رئيس مجلس الادارة:

د.محمود مسلم

رئيس التحرير:

مصطفى عمار

المستكاوي: لو جوارديولا أو كلوب درب منتخب مصر هيمشوه ويقولوا «فاشل»

09:36 ص | الأحد 12 يونيو 2022
المستكاوي: لو جوارديولا أو كلوب درب منتخب مصر هيمشوه ويقولوا «فاشل»

منتخب مصر

عبر الناقد الرياضي حسن المستكاوي، عن غضبه من هزيمة منتخب مصر أمام إثيوبيا بهدفين دون رد، مشيراً إلى أن ما حدث «إهانة»، وكان يمكن أن تصل النتيجة إلى سباعية نظيفة، مؤكدا أن الأزمة ليست في اللاعبين فقط، موضحاً أنه حتى في حالة التعاقد مع جوارديولا أو كلوب، لن ينجحا بسبب مشاكل المنظومة الرياضية.

المستكاوي: ما حدث في مباراة إثيوبيا «إهانة بالغة».. ومش مصدق إن ده منتخب مصر

وقال حسن المستكاوي في تصريحات عبر برنامج «جمهور التالتة» المذاع على قناة «أون تايم سبورتس 2» مع الإعلامي إبراهيم فايق: «الكرة فوز وهزيمة وده وارد، لكن ما حدث في مباراة إثيوبيا إهانة بالغة، المباراة دي كان ممكن تنتهي 6 أو 7-0، واحنا عمالين نهرول خلف شيملس بيكلي».

وتابع: «بيكلي كان مثل كارل لويس واحنا بنجري وراه، هم كانوا بيلعبوا علينا واحنا قاعدين نحلق، ومش قادرين نتعامل مع الضغط العالي أو السرعات، بنلعب كورة بلدي أوي، أنا مش مصدق إن ده منتخب مصر».

وأضاف: «احنا بنقول نروح كأس العالم، ونتعرض للإهانة في كأس العالم، ليه نشوف نفسنا أقل من الكاميرون؟، لازم يبقى لينا هدف إننا نتأهل كأس العالم عشان نوصل للدور الثاني على الأقل، ونلعب كورة بجد».

حسن المستكاوي: محدش عارف فينجادا جبناه ليه ومشيه ليه

وواصل: «القضية مش لاعبين فقط، هم جزء وليس الأساس، أساليب اللعب بتاعتنا والدوريات وإدارات الأندية كلهم مشتركين في ذلك، والله لو جيبنا جوارديولا أو يورجن كلوب هيمشوه عشان فاشل بعد مباراتين أو ثلاثة، لأنه هيقول هبني منتخب جيد جدأ ولكن خلال 6 سنوات، وسيرفضوا مواجهة الجماهير بتلك الحقيقة».

واختتم: «عندنا مشكلة في نظام وفلسفة ممارسة كرة القدم في مصر، محدش عارف فينجادا جه في إيه ومشي في إيه، ولو فريقك هو محمد صلاح فقط تبقى مشكلة كبيرة جداً».