رئيس مجلس الادارة:

د.محمود مسلم

رئيس التحرير:

مصطفى عمار

فاروق جعفر: «ده مش توقيت إيهاب جلال فيه لاعبين بيشوفوا إنهم أعلى منه»

07:37 ص | الأربعاء 15 يونيو 2022
فاروق جعفر: «ده مش توقيت إيهاب جلال فيه لاعبين بيشوفوا إنهم أعلى منه»

فاروق جعفر

علق فاروق جعفر، نجم نادي الزمالك ومنتخب مصر السابق، على ما يحدث مع المنتخب الوطني خلال الفترة الحالية بعد الخسارة أمام منتخب إثيوبيا في الجولة الثانية من تصفيات أمم أفريقيا، ومن ثم الخسارة برباعية مقابل هدف وحيد أمام كوريا الجنوبية في اللقاء الودي الذي جمع المنتخبين أمس.

وقال فاروق جعفر خلال ظهوره ببرنامج ملعب أون تايم رفقة الإعلامي سيف زاهر: «معرفش الطريقة اللي بيلعب بيها المنتخب بجد والله لاعبت إثيوبيا في مالاوي المفروض لما بتخسر بتتكلم مع نفسك خسرت ليه وقعت ليه هل مفيش تنسيق في الخطوط ولا لا لما تشتغل مع منتخب ليك الحرية في اختيار 500 لاعب لازم يكون فيه ثقة في نفسك».

فاروق جعفر: أنا قلت المدرب المصري ميستحملش

وتابع : أنا قلت المدرب المصري ميستحملش ضغوط السوشيال ميديا عشان تجيب مدرب لازم يكون عنده أرضية عند الإعلام والجمهور والمسؤولين لما تتكلم عن حسام حسن لاعب تاريخي لازم تفكر فيه هو شقيان وشغال لازم يكون فيه معايير في الاختنيارات حسن شحاته سلاحه كان في اسمه وأحسن لاعب في إفريقيا مش ممكن أكون لاعب كبير جدا وأجي اتكلم مع مدرب أنا في الكرة أعلى منه وتاريخي أقوى منه والشعبية أقوى منه هيروح معايا فين مش هيعرف يتكلم معايا بطريقة وحشة ولا على الدكة التوقيت ده مش بتاع إيهاب جلال.