رئيس مجلس الادارة:

د.محمود مسلم

رئيس التحرير:

أحمد الخطيب

رضا عبد العال لـ«الوطن»: المدربون المصريون في أي جهاز أجنبي زي العصافير

07:04 م | الخميس 16 يونيو 2022
رضا عبد العال لـ«الوطن»: المدربون المصريون في أي جهاز أجنبي زي العصافير

رضا عبد العال

فتح رضا عبد العال نجم الكرة المصرية السابق النار على مسؤولي اتحاد الكرة بعد مؤتمر الجبلاية اليوم، وإقالة إيهاب جلال المدير الفني للفراعنة على خلفية الخسارة من إثيوبيات في تصفيات أمم أفريقيا 2023، والسقوط أمام كوريا الجنوبية في المباراة الودية برباعية مقابل هدف.

رضا عبد العال: قلنا بلاش إيهاب جلال

وقال رضا عبد العال في تصريحات خاصة إلى «الوطن سبورت»: «قلنا من الأول بلاش إيهاب جلال وحذرنا، وقالوا ده بيطور من نفسه ولكن لا فيه تطوير ولا غيره واللي شفناه فضايح بس».

وأضاف رضا عبد العال: «أرفض استمرار أي مدرب مصري ومدرب حراس في الجهاز الفني الجديد، يجب أن يكون الجهاز الفني أجنبيًا بالكامل لأن المصري في أي جهاز أجنبي مبيعملش حاجة وبيكون عصفورة ولا ليه دور نهائيا، بيقول اللاعبين كلت أو مكلتش»

وواصل عبد العال: «عايزين تقنعوني أن محمد شوقي شوقي اللي لسه مبطل إمبارح هيعدل على محمد صلاح والنني، شوقي كان لاعب سنيد مش هو الفلتة عشان ييجي في المكان هو مفيش حد متواجد على الساحة نهائيا بعد حسن شحاتة، هو مفيش مدرب يقود المنتخب نهائيا حتى اللي كان فيه الرمق مشوه وهو حسام البدري».

رضا عبد العال: انتظروا الهجوم على حازم إمام

وعن عدم تقديم مسؤولي الاتحاد المصري استقالتهم واعتذارهم للجماهير المصرية رد قائلًا: «ما صدقوا مسكوا في الكرسي ومش عايزين يسيبوه نهائيا وحازم إمام لو منجحش في التعاقد مع مدرب عالمي الناس تقتنع به هيكون عليه هجوم عنيف جدا جدا ويتقال يرجع كيروش تاني، وقال إنه مكلمش كيروش بعد الهجوم الكبير اللي كان عليه والحملة اللي كانت على السوشيال».

  • الأهلي

    الأهلي

  • -

    :

    -

    09:00 PM

    كأس العالم للأندية
  • أوكلاند سيتي النيوزلاندي

    أوكلاند سيتي النيوزلاندي

  • ريال بيتيس

    ريال بيتيس

  • -

    :

    -

    10:00 PM

    الدوري الإسباني
  • برشلونة

    برشلونة

  • مانشستر يونايتد

    مانشستر يونايتد

  • -

    :

    -

    10:00 PM

    كأس رابطة المحترفين
  • نوتنجهام فورست

    نوتنجهام فورست