مصطفى يونس من قناة الزمالك: «موجود هنا عشان ماليش مكان في الأهلي»

أخبار متعلقة

المقاصة ينفي تولي مصطفى يونس تدريب الفريق.. ويعين طارق حجاج مديرا فنيا

مصطفى يونس: لعيبة الأهلي بتترعش.. وبطولة أفريقيا بقت دوري مدارس

مصطفى يونس: لو أنا مسؤول أعلق أيمن أشرف في ميدان التحرير

مصطفى يونس مرتديا تيشيرت الزمالك على الهواء: «هذا القميص خيره عليا»

علق مصطفى يونس لاعب الأهلي السابق، على ظهوره لأول مرة على قناة نادي «الزمالك» من أجل الإعلان عن تقديمه لبرنامج عبر قناة النادي.

وقال مصطفى يونس خلال ظهوره بجوار مرتضى منصور رئيس نادي الزمالك: «سعيد جدا لوجودي في قناة الزمالك، لي أصدقاء زملكاوية من الصغر، وجودي هنا مش عشان انتقد النادي الأهلي، أنا أهلاوي لحما ودما وكل ما تتخيلوا أكتر من الناس الموجودة داخل النادي الأهلي، أنا موجود هنا لأنه للأسف ماليش مكان في بيتي، فاعتبرت هنا بيتي خلاص، وهنحكي كل حاجة والقصص والحواديت اللي بتجمعني مع نجوم الأهلي والزمالك، ونتمنى الأمور ترجع زي زمان الكل يكون بجوار بعضه في المدرجات».

مرتضى منصور: مصطفى يونس مش موجود هنا عشان نضايق الأهلي

وعلق مرتضى منصور، على تواجد مصطفى يونس، بقناة الزمالك، قائلًا: «مصطفى يونس مش موجود هنا لمضايقة الأهلي، هيستضيف نجوم أهلي وزمالك في الزمن الجميل عشان الناس تتأكد إن مفيش أي شيء بيننا، هيكون معاه في البرنامج جمال عبدالحميد وخالد الغندور، هيستضيفوا كل أسبوع نجم أهلاوي ونجم زملكاوي، للحديث عن الزمن الجميل، لأن الموضوع زاد عن حده في التعصب، والسوشيال ميديا معمولة عشان تزيد الروابط بين الناس، لكن دلوقتي بتزيد التباعد بين الناس».