رئيس مجلس الادارة:

د.محمود مسلم

رئيس التحرير:

أحمد الخطيب

عصام الحضري: حسن شحاتة عنده حق.. محمد صلاح لم يحقق شيئا لمنتخب مصر

04:37 ص | الأحد 26 يونيو 2022
عصام الحضري: حسن شحاتة عنده حق.. محمد صلاح لم يحقق شيئا لمنتخب مصر

محمد صلاح وعصام الحضري

علق عصام الحضري مدرب حراس مرمى منتخب مصر السابق، على تصريحات حسن شحاتة المدير الفني الأسبق للفراعنة، والتي انتقد فيها محمد صلاح نجم ليفربول والمنتخب الوطني، وأشار أنه لم يقدم شيئاً مع منتخب مصر، ليؤكد الحضري أنه يتفق معه في ذلك لأن صلاح لم ينجح في الفوز بالبطولات مع المنتخب، لكنه أشار إلى أن الأمر يتعلق بالعمل الجماعي ولن يستطيع لاعب الفوز بمفرده.

عصام الحضري: حسن شحاتة عمل إنجازات لـ مصر مفيش حد هيحققها

وقال عصام الحضري في تصريحات تلفزيونية تعليقا على تصريحات حسن شحاتة التي ذكر فيها أن محمد صلاح لم يقدم شيئاً لمنتخب مصر، حيث رد: «كابتن حسن ده منقدرش نتكلم عليه خالص، لأنه عمل إنجازات لـ مصر مفيش حد هيحققها، لازم نديله حقه».

وأضاف: «كابتن حسن شحاتة شاهدته كلاعب كان ولا في الخيال، محمد صلاح حاجة تانية، من أحسن 3 لاعيبة في العالم، حقق ألقاب وأرقام فردية مع ليفربول فوق ما يتصور أي حد، كابتن حسن شحاتة اتكلم عن هو عمل ايه لمصر بس، وهو محققش حاجة لمنتخب مصر دي حقيقة».

عصام الحضري: محمد صلاح مش هيحقق ألقاب لوحده

وتابع: «بطولات لا، وصل 2 نهائي أفريقيا في نسخة 2017 والبطولة الماضية، ووصلنا لكأس العالم بعد غياب 28 سنة، ومش محمد صلاح هو اللي هيحقق لوحده، لازم يكون فيه هيكل كبير، مؤسسة تتكون من اتحاد كرة والمدير الفني ولاعبين ومدربين بالأندية».

حارس منتخب مصر السابق: أنا حققت كل حاجة مع منتخب مصر

وواصل: «ده كله في الآخر اللي يوصلك لتحقيق بطولات والتأهل لكأس العالم، الوصول للمونديال يتحسب لصلاح وكل اللاعبين، وكابتن حسن شحاتة هو بيتكلم عن عدم فوزه بكأس أمم أفريقيا فقط ودي حقيقة، دي مش حاجة تزعل».

وأتم: «صلاح حقق كل حاجة ماعدا كأس أمم أفريقيا، أنا كعصام الحضري قولت أن صلاح هيحقق حاجات كتير، لكن محدش عارف هيحقق حاجة لبلده ولا لا، ومحدش يقدر يقول عليا التصريحات لأن عصام الحضري حقق كل حاجة».

  • أسوان

    أسوان

  • -

    :

    -

    02:45 PM

    الدوري المصري
  • طلائع الجيش

    طلائع الجيش

  • الإسماعيلي

    الإسماعيلي

  • -

    :

    -

    05:00 PM

    الدوري المصري
  • الداخلية

    الداخلية

  • المقاولون العرب

    المقاولون العرب

  • -

    :

    -

    07:00 PM

    الدوري المصري
  • الاتحاد السكندري

    الاتحاد السكندري