بن شرقي
ألمح الإعلامي أحمد شوبير، عن احتمالية بقاء المغربي أشرف بن شرقي في مصر، بعد إعلان الزمالك بشكل رسمي رحيله عن القلعة البيضاء، بعد عدم توصل الطرفين لاتفاق حول تجديد عقده الذي ينقضي بنهاية الموسم الجاري.
وقال «شوبير» عبر برنامجه الصباحي على إذاعة «أون سبورت إف إم»: «بن شرقي خلاص مشي، وكنت بفضل ان الموضوع ده يخلص من بدري، بدل القيل والقال، رئيس الزمالك قال إنه مش هيلعب في مصر وإنه هيروح قطر».
وأشار حارس الأهلي ومنتخب مصر الأسبق، خلال تصريحاته صباح اليوم، إلى أن «بن شرقي ممكن يلعب في مصر، ممكن يلعب في قطر.. ممكن يلعب في الإمارات، كل ده هيبان خلال الأيام الجاية، لكن الأكيد إن خلاص مفيش بن شرقي في الزمالك من يوم 30 يونيو وإنه مش هيستمر لنهاية الدوري أو الكأس».
وتطرق أحمد شوبير للحديث عن أزمة طارق حامد مع الزمالك، موضحا عدم رضاه عن الأسلوب الذي تتم إدارة الأزمة به، موضحا: «المفروض أي إدارة باحترافية شديدة تنهي الأزمات، لكن الفترة الجاية هنشوف حملات على طارق حامد، وخروج لائحة بـ12 اتهام للاعب، أمر غريب جدا، أنت ممكن بمنتهى السهولة تطلع تقول خلاص هو مش معانا، حقك، أنت اللي بتدير المنظومة وأنت اللي بتسوق».
تعليقات الفيسبوك