بسنت حميدة
كشفت بسنت حميدة بطلة مصر في ألعاب القوى، عن كواليس تتويجها الميدالية الذهبية التاريخية لمصر في سباق 100 متر عدو، ضمن دورة ألعاب البحر المتوسط المقامة حاليا في وهران بالجزائر.
وقالت بسنت حميدة في تصريحات عبر برنامج «مصر تستطيع» بقناة «dmc»: «شعوري لحظة التتويج بالذهبية كان فرحة وصدمة، بسبب تواجد ممثلي دول كبيرة في اللعبة، ومشاركة مصر للمرة الأولى، وأول ما خلصت السباق أول حاجة عيني جت عليها هي علم مصر».
وتطرقت للحديث عن زوجها وهو في نفس الوقت مدربها: «زوجي شاف معايا أوقات صعبة جدا، شاف مراحل انهياري بشكل تام لمدة 3 شهور كل يوم ببكي بسبب عدم مشاركتي في الأولمبياد، وكان معي يوميا من القاهرة للإسكندرية من أجل العلاج، وعدت من إصابة قوية، وعاش معايا كل التفاصيل، ومدش شالني غير زوجي، أنا مكنتش لاقية كلام أقوله وحاسة إن كل الكلام قليل جدا، 24 ساعة بفكر أقوله إيه».
وتابعت: «قبل ما أشارك كنت محبطة نفسية وكنت مهدودة بسبب ما مررت به، وثقتي اتهزت بنفسي، لكن هو وقف بجواري بشكل كبير ونجح في إعادة ثقتي ومستواي، ووجهه الشكر له بعد الفوز والتتويج».
أضافت بسنت حميدة: «لازم يكون البني آدم من جواه عايز ينجح، وهينجح، وأكبر تحدي لي كان في الدراسة، وأنا كنت الأولى على الدفعة، وإني أقدر حافظ على التفوق وأنا بتمرن، وأكبر تحدي بعد الأولمبياد إني أقدر أنجح من تاني وأكون أقوى بكتير من أي وقت مضى».
وتحدثت عن الجمهور الجزائري: «شعب الجزائر محترم وراقي جدا، مبطلش تشجيع من أول ما دخلت الملعب لحد ما خلصت، واللي منحني علم مصر كان واحد من جمهور الجزائر».
تعليقات الفيسبوك