رئيس مجلس الادارة:

د.محمود مسلم

رئيس التحرير:

مصطفى عمار

شوبير لإدارة الأهلي: «المدرب الجديد هيشيل شيلة مش بتاعته»

08:40 ص | الأربعاء 06 يوليو 2022
شوبير لإدارة الأهلي: «المدرب الجديد هيشيل شيلة مش بتاعته»

أحمد شوبير

وجه الإعلامي أحمد شوبير رسائل حادة لإدارة النادي الأهلي، بعد مواصلة مسلسل فقدان النقاط في بطولة الدوري المصري، عقب الخسارة أمام سموحة، ومن ثم التعادل أمام الجونة.

شوبير: الأهلي قال للمدرب مش هحاسبك على الشهرين دول

وقال «شوبير» خلال حديثه ببرنامجه «ملعب أون تايم»، عبر قناة أون تايم سبورت: «عارف إن الأهلي قال للمدرب مش هحاسبك على الشهرين دول ولكن هما فيهم 3 بطولات».

وأوضح حارس مرمى منتخب مصر الأسبق: «سياسة الأهلي في اللاعبين كل شوية هات من برا هات، لكن اللي يفرق فعلا وينورلك الدنيا، لكن بص جوه شوية مش هنفضل نقول عيال صغيرة، هو لازم اللاعب يمشي على عكاز عشان أديله الفرصة.. احسب حساباتك عايز بطولة ليها مواصفات».

شوبير: الأهلي هيشيل المدرب شيلة مش بتاعته

وتطرق أحمد شوبير للحديث عن بعض اللاعبين الذين رحلوا عن الأهلي، قائلا: «تجيب بواليا تمشيه، وأزارو تمشيه، وبادجي تمشيه»، موضحا: «أزارو مشي بعد ما حصل مشكلة مع المدرب، كان المفروض يكمل، وبادجي لعب بضع دقائق صغيرة جدا، وتخلص مع سفيان رحيمي والمدرب يقول عايز ميكسيوني، حتى العين نفسها مش حلوة، وجايب مدرب هتشيله يا عيني شيلة مش بتاعته الأسلوب نفسه والفكر لازم يتغير».