رئيس مجلس الادارة:

د.محمود مسلم

رئيس التحرير:

مصطفى عمار

رضا عبدالعال: اتعاقدوا مع سواريش عشان عنده طموح رغم تريقتهم على رمضان

07:25 ص | الأربعاء 20 يوليو 2022
رضا عبدالعال: اتعاقدوا مع سواريش عشان عنده طموح رغم تريقتهم على رمضان

رضا عبدالعال

علق رضا عبدالعال نجم الأهلي والزمالك والمنتخب السابق، على تعاقد الأهلي مع البرتغالي ريكاردو سواريش في منتصف الموسم وعدم منحه الفرصة للاستعداد الجيد بداية من الموسم الجيد.

وقال عبدالعال خلال حديثه ببرنامج اللعيب : «إنتوا اتريقتوا على رمضان صبحي لما قال الطموح وده حصل أنت دلوقتي بتقول أنا جايب مدرب عنده طموح هو أنا مغسل وضامن جنة عنده طموح هاته من أول الموسم عشان نعرف شغله فايلر وضع بصمته عشان جه من أول الموسم شاف اللاعبين ودرس اللاعبين وحط تشكيل الصح والاختيارات الصح».

رضا عبدالعال: «مباريات الأهلي الأصعب ولكن على الورق سهلة»

وتابع بحديثه عن ريكاردو سواريش قائلًا: «مكنش يجي من نص الموسم أنا قلت أول ما جه عليه العوض لو جوارديولا جه في نص الموسم مش هيعمل حاجه مشكة الأهلي المقبلة إنه هيلاعب أندية بتصارع على الهبوط تحس إن المباريات سهلة الجونة والمقاولون ولكن هم في وضع حرج البونط عندهم بموت عشان كده مبارياته الأصعب وعلى الورق أسهل على أرض الملعب صعبة».