رئيس مجلس الادارة:

د.محمود مسلم

رئيس التحرير:

مصطفى عمار

محمد عبد المنصف: أفكر في التراجع عن الاعتزال بنهاية الموسم

05:35 ص | الأحد 21 أغسطس 2022
محمد عبد المنصف: أفكر في التراجع عن الاعتزال بنهاية الموسم

محمد عبدالمنصف حارس الاتحاد السكندري

عبر محمد عبد المنصف حارس مرمى نادي الاتحاد السكندري، عن سعادته بتحقيق زعيم الثغر الفوز على حساب البنك الأهلي مساء أمس السبت، وتسجيل رقم قياسي جديد كأكثر لاعب مشاركة في الدوري المصري الممتاز، مشيراً إلى أنه سيفكر من جديد في قرار اعتزاله كرة القدم بنهاية الموسم الجاري.

حارس الاتحاد السكندري: أفضل الاعتزال ورجلي في الملعب

وقال «عبدالمنصف» في تصريحات لبرنامج «ملعب أون تايم» الذي يقدمه الإعلامي سيف زاهر، عبر قناة «أون تايم سبورتس»: « كرم من عند ربنا لما تحقق رقم قياسي مع مكسب فريقك بتحس بحاجة كويسة، ربنا كان عنده حكمة أن المكسب يكون في الإسكندرية، الأرقام دي مبتجيش من فراغ».

وعن قراره بالاعتزال نهاية الموسم، علق محمد عبد المنصف: «دماغي أنا مبتلعبش، لكن اللي حواليا هم اللي دماغهم بتلعب، أنا كنت مقرر الاعتزال من بدري، حققت أرقام كأكثر الحراس مشاركة والأكبر سناً، وما زلت موجوداً في الملعب وأشارك بصورة طبيعية».

وواصل: «كان في حساباتي ببداية الموسم إني ألعب لمدة سنتين أو 3 كمان، ولكن قولت الأفضل لما أبطل أطلع وأنا واقف على أرضة صلبة، رجلي في الملعب ولسه بشارك، مش أكون موجود كاسم فقط لتحقيق الأرقام القياسية، وهخلي فيه تفكير في الموضوع ده للتراجع عن الاعتزال، لو فيه نصيب بس نعدي الماتشات المقبلة، والموضوع صعب جداً لأن النادي كان بيمر بفترة صعبة».

محمد عبد المنصف عن مواجهة الزمالك: هيبقى ماتش حلو ومهم

وتطرق للحديث عن مواجهة الاتحاد السكندري المقبلة مع نادي الزمالك، قائلاً: «الزمالك محتاج نقطة أو 3 للتتويج بلقب الدوري، أغلقنا ملف مباراة البنك الأهلي، والكابتن محمد عمر قالنا إن المكسب ده جه في توقيته، وكان هيبقى صعب لو داخلين الماتش المقبل ومحتاجين الفوز».

وأتم حديثه: «لما تكسب تقدر تقدم كورة كويسة واللاعيبة تستريح نفسياً، أعتقد الماتش هيبقى حلو ومهم، نادي الزمالك ماشي بشكل رائع في الفترة الأخيرة، وبصرف النظر عن النتيجة هنبذل أقصى مجهود ولو حققنا نتيجة إيجابية هتكون حاجة كويسة جداً».