رئيس مجلس الادارة:

د.محمود مسلم

رئيس التحرير:

مصطفى عمار

شوبير ينتقد نجوم الأهلي: «لوي البوز مش حلو.. انزلوا الملعب بروح جديدة»

10:18 ص | الثلاثاء 13 ديسمبر 2022
شوبير ينتقد نجوم الأهلي: «لوي البوز مش حلو.. انزلوا الملعب بروح جديدة»

محمد مجدي أفشة لاعب الأهلي

وجه الإعلامي أحمد شوبير، رسالة لنجوم الفريق الأول لكرة القدم بالنادي الأهلي، بعد ظهور علامات الغضب عليهم خلال مباراة الاتحاد السكندري، التي أقيمت أمس الاثنين، ضمن مواجهات بطولة الدوري الممتاز، والتي حسمها الأحمر بثلاثية نظيفة.

شوبير لـ أفشة: مفيش خلاف عليك والنادي محتاجك

وقال «شوبير» خلال برنامجه «مع شوبير»، الذي يذاع عبر «أون سبورت»: «لوي البوز مش حلو يا نجوم الأهلي، لازم تلعب وتركز، وكلمة في ودن محمد مجدي أفشة، مفيش خلاف عليك والنادي في احتياجه ليك، تلعب ربع ساعة، تلعب نص ساعة، مفيش أي مشكلة، أهم حاجة الأهلي بيكسب، وركز مع الفريق».

عمرو السولية ومصطفى شوبير

وأضاف حارس منتخب مصر الأسبق: «عمرو السولية ملوش حق يطلع وشكله غضبان وباصص في الأرض، مش هي دي الروح، الروح مش كلمة والسلام.. يا عمرو أنت لاعب كبير».

وأكد أحمد شوبير: «كل لاعبي الأهلي كويسين لما تبقى على الدكة وتنزل تبقى كويس، تنزل بروح جديدة تضاف للفريق ولزملائك، عجبني حسين الشحات نزل 5 دقايق وصنع الفارق ولاحت له فرصة، وفي فرصة تانية أهدرها».

بيرسي تاو حظه سيء.. وكريم فؤاد مش في مستواه

وأشار نائب رئيس اتحاد الكرة الأسبق، إلى أن «بيرسي تاو قدم مباراتين بشكل كويس جدًا أمام غزل المحلة والاتحاد السكندري، وسجل هدفين، لكن حظه سيء بعد تعرضه للإصابة خلال مباراة أمس وغادر الملعب قبل النهاية بدقائق.. بيرسي تاو لاعب كويس جدا مفيش خلاف على كدا».

                         كريم فؤاد لاعب الأهلي

وعلق أحمد شوبير على مستوى كريم فؤاد، قائلا: «الناس كلها كانت بتتكلم على إن كريم فؤاد إزاي لا ينضم للمنتخب الوطني بعد تألقه مع الفريق وظهوره بمستوى كويس.. كريم فؤاد مستواه مش كويس في أخر مباراتين، آه كان كويس جدًا في أول مباريات الموسم وظهر بشكل رائع، لكنه في آخر مباراتين مش هو كريم فؤاد».