رئيس مجلس الادارة:

د.محمود مسلم

رئيس التحرير:

مصطفى عمار

مرتضى منصور يهدد لاعبي الزمالك: «هتعكنن على الملايين هخصم منك ملايين»

04:18 ص | الأربعاء 25 يناير 2023
مرتضى منصور يهدد لاعبي الزمالك: «هتعكنن على الملايين هخصم منك ملايين»

مرتضى منصور

وجَّه مرتضى منصور، رئيس نادي الزمالك، تحذيرا وحديثا شديد اللهجة إلى لاعبي الفريق بسبب الأداء السيئ الذي ظهروا عليه خلال الفترة الماضية، حسب قوله.

وقال منصور خلال حديثه بقناة النادي: «اللاعب اللي عايز يمشي ومش عاجبه الزمالك يمشي أيا كان اسمه، والكلام ده هيتقال بكرة في الاجتماع، ولكن يكون عنده عرض يليق بيه وبالنادي».

مرتضى: أي لاعب فاكر نفسه موظف في النادي هيتحاسب

وتابع: «أي لاعب فاكر نفسه موظف في النادي هيتحاسب حساب عسير، أنت تحصل على ملايين من أجل سعادة الملايين هتعكنن على الملايين هتتخصم منك الملايين دعمناكم ووقفنا وفيه لاعبين بتموت نفسها أي لاعب هيدلع هقطع رقبتك فلوس، مفيش لاعب هيتوقف كل لاعب بيحصل على 12 مليون في كل دلع هيتخصم منه مليون، وأي لاعب هيسهر هيستهتر هتيجي أي إشاعة قلت لأمير وإسماعيل يتصرفوا معاهم».

وأردف: «مفيش لاعب هيلعب في مكان تاني غير مكانه ومفيش لاعب هيقعد لحد ما يتصدى نهائي لا عبدالله جمعة ولا محمد صبحي وعواد من أفضل حراس في مصر».