رئيس مجلس الادارة:

د.محمود مسلم

رئيس التحرير:

مصطفى عمار

محمود فايز يكشف تفاصيل اعتذاره عن قبول عرض الزمالك: مشغول مع كوبر

07:02 ص | الأربعاء 25 يناير 2023
محمود فايز يكشف تفاصيل اعتذاره عن قبول عرض الزمالك: مشغول مع كوبر

محمود فايز

كشف محمود فايز، المدرب العام السابق للمنتخب الوطني، تفاصيل اعتذاره عن قبول عرض نادي الزمالك للانضمام للجهاز الفني الجديد بقيادة أسامة نبيه بعد رحيل البرتغالي جوسفالدو فيريرا.

وقال فايز خلال حديثه ببرنامج اللعيب رفقة الإعلامي مهيب عبدالهادي: «كابتن أسامة كلمني من فترة إن لو فيه فرصة في مصر أشتغل معاه وكده قلت مفيش مشكلة وقالي من يومين قلتله ده شرف ليا وجت فرصة الزمالك وكان نادي الزمالك عنده خطة احتياطية في حال إخفاق من قبل فيريرا وأنا مش بلوم على إدارة النادي نهائي بتواجدي في هذا المكان وتواصل معايا إسماعيل يوسف ولكن أنا اعتذرت لكابتن أسامة قلتله سيبني أفكر شوية وأنا مرتبط مع كوبر وفيه مفاوضات مع منتخب حالي ومش هينفع يصحى الصبح يلاقيني شغال في نادي وحللت الوضع من أكثر من جانب والأمر اتحسم نهائيا في الوقت الحالي مش شايف نفسي أقدر أقدم أفضل حاجة فتم تقديم الاعتذار».

فايز: أسامة نبيه سيكون مدرب منتخب مصر قريبا

وتابع : «شرف لي إن كابتن أسامة نبيه بيثق فيا وأنا اتوقع له إنه يكون مدرب منتخب مصر قريبا».

وتطرق للحديث عن أزمة الرخصة الخاصة بالمدربين قائلًا: «معايا رخصة bro  من اتحاد أمريكا الجنوبية وهو معادل للاتحاد الأوروبي يعني أقدر أدرب في ريال مدريد بكرا وأقدر اشتغل في أي منتخب أو مكان في العالم واللي معاه الرخصة دي في مصر أيمن الرمادي وكابتن محمد عظيمة يتعدوا على الأصابع».