حسام عاشور عن لقب الأكثر تتويجًا بالبطولات: مش عارف ألحق داني ألفيس
03:19 ص | الأحد 08 سبتمبر 2019
حسام عاشور
تحدث حسام عاشور، قائد الفريق الأول بالنادي الأهلي، عن إمكانية الوصول إلى القمة كأكثر لاعب حصولًا على البطولات في تاريخ كرة القدم على مستوى الأندية والمنتخبات والذي يتربع على عرشه البرازيلي داني ألفيس، ظهير أيمن ساوباولو البرازيلي، وبرشلونة وباريس سان جيرمان السابق.
وقال عاشور في ضيافة قناة النادي الأهلي: "عمال يعدي ده مش عارف ألحقه، عمال ياخد في بطولات، لكن إن شاء الله أقدر".
ويتربع البرازيلي داني ألفيس على عرش الأكثر تتويجًا بالبطولات في العالم بـ 41 بطولة، فيما يتواجد حسام عاشور في المركز الثامن بـ 33 بطولة.
وينتظر قائد النادي الأهلي، الحصول على لقبين فقط من أجل معادلة رقم الأرجنتيني ليونيل ميسي صاحب الـ 35 لقب.
عاشور عن غيابه عن المنتخب: معايا باسبور مصري
وتطرق عاشور للحديث عن غيابه عن منتخب مصر الأول خلال السنوات الأخيرة قائلًا: "رغم ان معايا باسبور مصري، بس كان المفروض أكون موجود، بس أنا شايف لو أنت في بيتك ومش عاوزني أنا مينفعش أجادل وأروح".
وتابع: "أنا قاعد في النادي الأهلي وباخد بطولات، حتى لو أي مدرب مكانش عاوزني سواء كابتن حسن شحاتة أو غيره، مبحبش أتكلم كتير في موضوع المنتخب".
وأضاف: "بس أعتقد أن أي مدرب بيمسك المنتخب جديد كان بياخد بالسمع، الناس القريبين منه بيبلغوه أن ده مكانش بيتاخد بناء عليه لم أنضم للمنتخب، ولكن الحمد لله أنا بشتغل وبعمل كل اللى عليا عشان من أجل زيادة بطولاتي مع النادي الأهلي".
تعليقات الفيسبوك