مشادة على الهواء بين والد مروان محسن وإبراهيم سعيد (فيديو)
04:26 ص | الأربعاء 09 سبتمبر 2020
إبراهيم سعيد
نشبت مشادة عنيفة بين والد مروان محسن لاعب النادي الأهلي وإبراهيم سعيد لاعب الأهلي والزمالك والمنتخب المصري السابق، بسبب انتقاد الأخير لللاعب الأحمر المستمر.
وقال والد مروان محسن خلال مداخلته ببرنامج البريمو رفقة الإعلامي محمد فاروق : " كل لاعب معرض إنه يكون وحش طبيعي ويعود من تاني لمستواه ولكن أنا شايف مع احترامي للأخ إبراهيم سعيد.
ليرد ابراهيم سعيد: أنا مش أخ يا عمي محسن إهدى على نفسك كده انا مش جاي من الشارع هدي الليلة شوية انا بقولك انك زي والدي تقولي زي أخ لا أنا معتبرك والدي أخ إيه احنا مش هنهزر.
ليرد عليه محسن ثروت والد مروان : انا بحترمك وبقدرك وكنت لاعب كويس يعني كل المدربين اللي جاءوا في تاريخ مصر طلعوا مروان محسن السما بقا مروان وحش ياكابتن ابراهيم انت كنت افضل لاعب في خط الدفاع وكنت من اللاعبين اللي بحترمها وبقدرها وماذا فعل لك مروان محسن.
ليرد إبراهيم سعيد : "حضرتك زي والدي وعلى راسي والله ولك احترامك وتقديرك وانا من الناس والله العظيم بتكلم إن مروان انه ممكن يكون مش موفق ماتش او ماتشين ولكن هو عنده نواقص لابد أن يشتغل عليها، ومش عيب إني أشوف النواقص واشتغل عليها.
ليرد عليه والد مروان محسن : "هو بيعمل كده ياكابتن إبراهيم والله.
لينتهي الأمر في آخر المكالمة بتفاهم بين الطرفين، خاصة وأن المداخلة بدأت بمشادة عنيفة بينهم.
تعليقات الفيسبوك