أديب يُشيد بلمسات «زيزو»: لو رفع عرضية وأنا شخصيا في الـ 18 هجيب جون
07:43 ص | الإثنين 11 يناير 2021
الإعلامي عمرو أديب
تحدث الإعلامي عمرو أديب، عن اللاعب رمضان صبحي نجم نادي بيراميدز، فذكر أن هناك شائعات بأنه سيعود للقلعة الحمراء من جديد، ولكن هذا لن يحدث، وذلك خلال تقديمه برنامج «الحكاية»، الذي يُعرض على شاشة «mbc مصر»، كما تغزل "أديب" في جناح نادي الزمالك ومنتخب مصر أحمد سيد "زيزو"، واصفًا إياه بـ "ملك الأسيست" في مصر.
أحمد سيد زيزو ده ملك الأسيست في مصر
وأضاف «أديب»، أن لاعب نادي الزمالك أحمد سيد زيزو، يُعد لاعبا من طراز فاخر، «رافعة زيزو بجون، ده ملك الأسيست في مصر، مفيش حد بيعمل أسيست في مصر زي زيز، أكاد أقول إنه هو أفضل من ناس كتير بتعمل أسيست في أندية كبار، ومش هقول أسامي، ده موهوب ولمساته في الكرة سحرية».
لمسات زيزو أوروبية.. قدامه مشوار وبنيانه جيد
وتابع: «مش متحمسين أوي أن مصطفى محمد يحترف بره، بس أنا متحمس إن زيزو يحترف بره الولد لمساته أوروبية طالما رفع الكوره يبقى انتهينا، لو رفع عرضة وأنا شخصيا في الـ 18 هجيب جون، قدامه مشواره وبنيانه جيد ولاعب هائل في الزمالك».
عمرو أديب يتفاعل مع أغنية «لولاكي»
من ناحية أخرى، تفاعل الإعلامي عمرو أديب، على أغنية «لولاكي» للفنان علي حميدة، وذلك أثناء الحديث عن حالته الصحية، وقال «دي كانت أغنية أسطورة، للي ميعرفش ده فنان جميل شّكل وجدان عندنا، للي ميعرفش البلد دي مش بتسيب حد لوحده، اللي نقدر نوصله ونقف جنبه، البلد دي فيها نقابات وجمعيات أهلية».
وتابع: «البلد دي فيها مواطنين محترمين فيه رجال أعمال، فيها دولة، الدولة دي فيها كل الحاجات دي وكلها تتحرك ولا تسيب حد ، هو واللي زيه كتير ، مش عشان فنان ، الإيد في مصر تتمد للدنيا كلها ، وكلكم لاحظتم في البرنامج على مدى القنوات اللي روحنا ليها، عمرنا ما خذلنا حد».
تعليقات الفيسبوك