إبراهيم سعيد
علق إبراهيم سعيد على تواجد مروان محسن مهاجم الأهلي بشكل مستمر مع الفريق خلال الفترة الماضية، خاصة أنه انتقده أكثر من مرة خلال ظهوره ببرنامج «البريمو» بقناة «ten».
وقال «سعيد»، خلال ظهوره ببرنامج «البريمو»، رفقة الإعلامي إسلام صادق: «أنا مستغرب من كمية التغييرات اللي بتحصل في الشق الهجومي بقت كتير جدا من موسيماني، وفوجئت إن أفشة بيلعب على الأطراف وده مش مكانه وهو دايما بيلعب أمام ديانج».
وتابع: «تواجد مروان محسن أنا بجد تعبت من كتر الكلام عليه، أنا شايف إن فيه لاعيبة كتيرة تاخد فرص أكتر من كده مكانه، لأن تواجده غير مفيد للأهلي في الفترة المقبلة، خصوصا إن الأهلي داخل على ماتشات صعبة محتاجة استقرار ولاعيبة معينة، لأن القادم صعب جدا على الأهلي وهتكون أصعب على الأهلي من الموسم الماضي».
وكان إبراهيم سعيد دخل في مشادة عنيفة مع والد مروان محسن من قبل بسبب انتقاده الدائم للاعب، ولكن سرعان ما عادت الأمور للهدوء بين الطرفين خلال إحدى الحلقات لبرنامج «البريمو».
تعليقات الفيسبوك