رئيس مجلس الادارة:

د.محمود مسلم

رئيس التحرير:

مصطفى عمار

«خطأ إملائي».. جنش يكشف مفاجأة بشأن عقده مع الزمالك

06:20 ص | الخميس 08 يوليو 2021
«خطأ إملائي».. جنش يكشف مفاجأة بشأن عقده مع الزمالك

جنش

كشف محمود عبدالرحيم جنش، حارس مرمى الزمالك، عن مفاجأة بشأن عقده مع النادي، الذي وقع عليه من جديد أمس، حسبما ذكر خلال ظهوره بقناة الأبيض الرسمية؛ إذ أكد أنه وقع من جديد بسبب خطأ في الإملاء.

وقال «جنش» خلال ظهوره ببرنامج التالتة يمين، عبر قناة الزمالك، رفقة الإعلامي عبدالواحد السيد: «وقعت على عقد الزمالك من تاني أمس بسبب وجود خطأ في الإملاء، وده يعتبر تاني عقد السنادي ومحدش يعرف لأن أنا مبحبش اتكلم».

جنش: بموت بسبب خروجنا من دوري أبطال أفريقيا 

وعن خروج فريقه من دوري أبطال أفريقيا، قال محمود جنش: «بموت من خروجنا من دوري أبطال أفريقيا؛ لأن المجموعة دي تستحق تاخد بطولات كتيرة جدا، واحنا بني ادمين لما يكون علينا ضغط كبير جدا من الإعلام بعد كل مكسب للزمالك لازم يا يهدوا يا إما يشتتوا».

جنش: أنا أكتر واحد بيساعد أبوجبل وعواد

وأكد حارس مرى الزمالك: «أنا أكتر حد بيساعد عواد وجبل وصبحي ومبحبش أتكلم عن الحاجة دي؛ لأن ده الطبيعي، لأن أنا في مكان مينفعش أتنازل فيه عن الجماهير»، متابعا: «كفاية اللي عملوا جماهير الزمالك معايا وقت ما كنت مصاب، فيه حاجات بتخليني اشتغل، منها جماهير الزمالك ليها فضل كبير عليا لما يجوا يقعدوا معايا من أجل التجديد بحط جمهور الزمالك في الأولويات، وبقول لأي لاعب لما يجي يجدد حط جمهور الزمالك قدامك لأن هو اللي بيعملك، ولازم تتنازل عشان الجمهور اللي بيقف معاك كتير ومع دعم الجماهير كنت بتدرب مرتين وأنا بره مصر بدل مرة واحدة، وده كان غلط عليا».