لاعبي المصري
رد لاعبو النادي المصري البورسعيدي على بيان مجلس إدارة ناديهم، والذي قرر منع المستحقات وخصم 25% من العقود للتغيب عن المران وكذلك تحويل بعض من اللاعبين للتحقيق.
وكتب محمد عنتر لاعب الفريق عبر حسابه بموقع التواصل الاجتماعي إنستجرام: «بيان من لاعبي النادي المصري، أولا إحنا لحد النهارده مكناش حابين نتكلم في أي حاجة احتراما للنادي والجمهور، ويعلم ربنا ظروفنا اللي مرينا بيها من بداية الموسم من تأخر مستحقات ومكافآت ومع أكتر من وعود لم تنفذ».
وتابع: «ومع ذلك محدش فينا اتكلم، واتعاهدنا إن يكون الكلام بعد بطولة الكونفدرالية ، ونلتزم ونمنع أي كلام فى الوقت ده ونركز، وربنا يكرمنا بيها فى ظل التعب والمجهود اللى بُذل، وإننا عايزين نفرح جمهورنا، وناخد بطولة ولكن قدر الله وما شاء فعل».
وأكمل :«ثانيا بيتقال إن جميع اللاعبين أخدت 70% من مستحقاتها وده كلام غير حقيقى، احنا مبناخدش مرتبات من 3 شهور».
واختتم: «3 شهور رواتب ده غير المكافآت وتعبنا كلام ووعود لم تنفذ، وكل واحد فينا ربنا أعلم بيه من التزامات وناس مسئولة منه».
وكان مجلس المصري أصدر بيانا رسميًا بشأن انقطاع اللاعبين عن المران وجاءت قراراته على النحو التالي :
1- إيقاف صرف أى مستحقات مالية للفريق الأول مستقبلًا إلا بعد مثول جميع اللاعبين المتغيبين عن المران اليوم للتحقيق.
2- خصم نسبة 25% من عقود اللاعبين المتغيبين طبقا للائحة الفريق الأول بالنادي.
3- استبعاد كل من اللاعبين أحمد شديد قناوى وفريد شوقى وأحمد مسعود من معسكر برج العرب، وعودتهم للتدريب ببورسعيد مع تحويلهم للتحقيق.
4- تجهيز العناصر المميزة من قطاع الناشئين بالنادى للدفع بهم فى المباريات القادمة، وإعطائهم الفرصة الكاملة حتى يكونوا نواة للفريق الأول بالنادى فى السنوات المقبلة.
تعليقات الفيسبوك