ميدو يدافع عن معلول: «لو روبرتو كارلوس موجود في الأهلي مش هيبقى كويس»
02:44 ص | الأحد 12 مارس 2023
علي معلول وكاسيوس ميليولا خلال مباراة الأهلي وصن داونز
كشف أحمد حسام ميدو مدرب الإسماعيلي السابق، عن سبب تراجع مستوى علي معلول لاعب الأهلي، خلال مواجهة صن داونز، التي أقيمت أمس السبت، وانتهت بخسارة الفريق الأحمر بخماسية مقابل هدفين، في إطار منافسات دوري أبطال أفريقيا، مشيراً إلى أنه يعاني من الإجهاد الشديد.
ميدو: علي معلول بلا بديل في الأهلي
وقال ميدو في تصريحاته عبر برنامج الريمونتادا: «علي معلول مكنش شايف في ماتش صن داونز، وده بسبب الإجهاد وبسبب إنه ملوش بديل، لعب ماتش المقاولين وسافر، وخاض مباراة صن داونز الساعة 3 عصرا بتوقيت القاهرة».
وأضاف: «كنت متوقع مستوى علي معلول، وليس له بديل في الأهلي، وهذا يعكس مستوى القائمة الحالية للفريق الأحمر».
واختتم: «ده لو روبرتو كارلوس مش هيبقى كويس، بسبب الإجهاد مشاركته في مواجهة المقاولون ثم السفر، العيب مش في اتحاد الكرة ولا الاتحاد هيفصل دوري مخصوص للفرق المشاركة في أفريقيا، أنت لازم يكون عندك سياسة تدوير».
ميدو: انظروا إلى فارق الرواتب بين صن داونز والأهلي
أكد أحمد حسام ميدو، أن الكرة المصرية تعاني خلال الفترة الأحيرة، ودليل ذلك كان واضحا من هزيمة الأهلي بخماسية من صن داونز في دوري أبطال أفريقيا هذا الموسم.
وقال ميدو في تصريحاته عبر برنامج الريمونتادا: «الحقيقة المُرة، اللي لازم الكل يعرفها، إن أي فرقة في الدوري المصري لو راحت لاعبت صن داونز هيبقى شكلها عامل زي الأهلي».
وأضاف: «هي دي إمكانيات اللاعيبة اللي في الدوري المصري أو إمكانيات معظم اللاعبين، في لاعيبة كورة كتير بتلعب في أندية كبيرة دلوقتي، إمكانيات كل واحد فيهم مينفعش تؤهله يلعب في ناد كبير».
واختتم: «انظروا إلى رواتب لاعبي صن داونز، ورواتب لاعبي الأهلي، أعلى واحد بيحصل على 400 ألف دولار، وبعد الضرايب هتلاقيه بياخد 6 مليون جنيه مصري، النهاردة أقل لاعب في الدوري المصري هتلاقيه 6 أو 7 مليون جنيه».
تعليقات الفيسبوك