محمد الشناوي حارس الأهلي
رفض أحمد حسام ميدو، الانتقادات التي يوجهها البعض لـ محمد الشناوي حارس مرمى الأهلي، مشددا على أنه في حاجة إلى الدعم بالوقت الحالي، بعد ارتكابه لبعض الهفوات، خلال مباريات الفريق الأحمر الأخيرة، في بطولة دوري أبطال أفريقيا.
وقال ميدو في تصريحاته عبر برنامج الريمونتادا: «مش عاجبني اللي بيحصل للشناوي من انتقادات خلال آخر 48 ساعة، قولنا إن الشناوي مش مركز وعنده أخطاء، لكن ده مش معناه إننا نطالب باستبعاده ونقسو في الانتقادات».
وأضاف: «محمد الشناوي أفضل حارس في مصر دلوقتي، ولازم نحافظ على اللاعيبة بتاعتنا، مش طبيعي إن الشناوي يتحول من سوبر مان لحارس ضعيف».
وواصل: «الشناوي اترفع للسما بعد ماتش الذهاب ضد صن داونز، وفي الماتش اللي هناك نزل الأرض، لازم يكون في توازن في التعامل معاه، ده حارس مرمى منتخب مصر الأول، ولو الأهلي أو منتخب مصر خسروا الشناوي هيكون في أزمة».
واختتم: «بقول لجمهور الأهلي عندكوا حارس كويس جدا، الشناوي يحتاج للدعم في الوقت الحالي».
تعليقات الفيسبوك