محمد الشناوي حارس الأهلي
قال الإعلامي أحمد شوبير، اليوم الأربعاء، إن حراسة مرمى الفريق الأول لكرة القدم بالنادي الأهلي بخير، مؤكدا على وجود أربعة حراس على أعلى مستوى في الفريق وأنه لا داع لما يقال بشأن حاجة المارد الأحمر لحارس جديد.
وأضاف «شوبير» في تصريحات إذاعية عبر برنامجه «مع شوبير» على راديو «أون سبورت»: «حراسة المرمى في الأهلي بخير والأمور مش بتتحسب بمباراة أو اتنين، أو أن حارس يخفق في مباراة نطلع نقول الأهلي عايز حارس مرمى».
وتابع: «الأهلي عنده 4 حراس على أعلى مستوى، مصطفى شوبير ظهر بأداء رائع، وحمزة علاء يقدم مستويات رائعة وهو حارس المنتخب الأولمبي، وعلي لطفي يقدم مستويات رائعة حينما يخوض مباريات، ومحمد الشناوي حارس مرمى ممتاز، لكن حراس الأهلي حظهم إن عندهم حارس مصر الأول وهو الحارس الأساسي للأهلي والمنتخب الوطني».
وواصل: «الشناوي ممكن يريح الماتش الجاي أو يريح ماتش أو اتنين، لكن يبقى الشناوي الأفضل، وبلاش الحملات حول الأهلي في احتياج لحارس مرمى، حراسنا كويسين».
وأردف: «المهم إننا نكسب القطن الكاميروني والهلال السوداني، الأهلي لازم يكسب عشان هيبته، والحملات عن إن كولر مش عارف أفريقيا بلاش منها، ممكن مكنش موفق في الخطة أو اللاعيبة مش في حالتها، وكولر بيشتغل وراجل كويس».
واختتم: «عمرو السولية كويس وجاهز مع الأهلي، وأتمنى صن داونز يكسب الهلال، وعلى النادي الأهلي التركيز في البطولة المقبلة».
تعليقات الفيسبوك