ناصر ماهر يوجه رسالة مؤثرة للزمالك بعد انتقاله لبيراميدز

أخبار متعلقة

ناصر ماهر يخضع لجلسة تصوير تقديمه لاعبا في بيراميدز «خاص»

قائمة بيراميدز لمواجهة نهضة بركان في دوري أبطال أفريقيا.. موقف ناصر ماهر

فاروق جعفر يعلق على بيع ناصر ماهر: مش هتبقى بطل

بيراميدز يعلن ضم ناصر ماهر رسميًا من الزمالك

وجه ناصر ماهر، لاعب الوافد الجديد على نادي بيراميدز، قادما من صفوف نادي الزمالك خلال فترة الانتقالات الشتوية الحالية، رسالة مؤثرة للنادي الأبيض وجماهيره.

وعلق ناصر ماهر عبر حسابه الرسمي على «إنستجرام» بالتالي: «مش عارف أبدأ منين، لأن في حاجات مش سهلة تتقال، خصوصًا لما تكون بتتكلم لجمهور عظيم زي جماهير الزمالك داخل القارة وخارجها».


وأضاف: «اسمحولي أعبر عن حبي واحترامي ليكم… والله مش مجرد كلام.‎من أول يوم دخلت فيه النادي وأنا حاسس إن المكان ده فيه حاجة تتحب.
يمكن عشان ده كيان كبير،
أو عشان لاعبين كبار وشخصيات محترمة بتتحمل أكتر من أي حد،
أو عشان الجمهور المختلف بأجواءه ودعمه ومتعتُه…
بس في الآخر الكوره ممكن تخليك تسيب مكان انت بتحبه وده جزء من اللعبه ، أنا بحبكم جدًا والله».

وتابع: «‎النهارده آخر يوم ليا في نادي الزمالك، النادي إللي تشرفت إني ألبس التيشيرت التاريخي بتاعه، ودافعت عنه بكل إخلاص وحب».

ناصر ماهر للزمالك: خلتوني نجم بجد

وواصل:
«إنتوا خلتوني نجم بجد، ودايمًا بقول إن ربنا أكرمني بجمهور الزمالك.‎يمكن الرحلة خلصت دلوقتي بسبب ظروف النادي الصعبة،
وأتمنى اكون جزء ولو بسيط في حل الازمه الماليا، واقدر أساعد النادي،
لأن الزمالك كبير ويستحق إن الواحد يضحي عشانه.
وبالنسبة لي، الرحلة لسه فيها فصل تاني… إمتى؟ الله أعلم.‎، بشكر كل زملائي اللاعبين الرجالة بجد في كل المواقف،
وبشكر إدارة النادي الزمالك برئاسة الكابتن حسين لبيب،‎وبشكر جميع المدربين اللي تدربت معاهم».

‎وزاد: «شكراً. ك چون ادوارد‎شكراً ك. عبد الناصر محمد‎شكراً ك احمد سليمان اللي خلاني اكون متواجد داخل نادي الزمالك 
وكمان بشكر الأوفياء… جمهور الزمالك العظيم، الداعم الأول للنادي».‎

وأتم: «آخر حاجة هقولها: أنا دخلت النادي وقلت “أنا بحب الزمالك”،
ودلوقتي وأنا ماشي بقول:
هفضل أحب الزمالك».