خالد الغندور يوجه رسالة شديدة اللهجة لـ إمام عاشور: «نفسي أعرف فين دماغك؟»

أخبار متعلقة

جمال عبد الحميد يكشف عن رأيه في عودة إمام عاشور إلى الزمالك

إمام عاشور يطلب تأجيل انضمامه للتدريبات المنفردة.. والأهلي يرد

مايفوتكش| ورقة إنجليزية تورط إمام عاشور وقرار «كاف» يعكر أجواء حسام حسن

مصادر: الأهلي يتمسك بـ إمام عاشور.. ومفاجأة جديدة في ركلة جزاء مباراة وادي دجلة

علق الإعلامي خالد الغندور، نجم الزمالك والكرة المصرية السابق، على أزمة إمام عاشور، لاعب الفريق الأول لكرة القدم بالنادي الأهلي، بعد تهربه من السفر مع بعثة الفريق لتنزانيا، وتوقيع عقوبة ضخمة عليه، موجها رسالة للاعب.

خالد الغندور: مبادئ الأهلي ستظل فوق الجميع

وأكد «الغندور»، عبر صفحته الرسمية على منصة التواصل الاجتماعي «فيسبوك»، أن مبادئ الأهلي ستظل فوق الجميع، مشيرا إلى أن الكبير سيظل كبيرا مهما حاول البعض التقليل منه، متابعا: «سيظل الأهلي كبيرا».

ووجه نجم الزمالك السابق، رسالة إلى إمام عاشور، بضرورة الاعتذار عما ارتكبه، مؤكدا أنه لم يخسر أموالا فقط، بل خسر الجمهور والإدارة وزملائه اللاعبين، مشيرا إلى أنه إذا كان يرغب في الرحيل فلا بد أن يكون عبر الباب الكبير.

الغندور: الأهلي سيظل كبيرا

وتابع: «الكبير دايما بيفضل كبير، مهما اتوهم الغلطان إنه هيقلل منه أو هيصغره، بالعكس الغلطان هو اللي بيصغر أكتر، نقطة نظام، وندخل في الموضوع».

وأوضح خالد الغندور: «الأهلي هيفضل الأهلي بجمهوره وبتاريخه وبمبادئه، وبإداراته اللي بتشتغل وفق مبادئ المؤسسات، وأهم مبادئ المؤسسات إن الأشخاص زائلون، والمؤسسة هي الباقية بمبادئها، عشان كدا بنشوف أهلي الفريق مرتجي هو أهلي صالح سليم، هو أهلي حسن حمدي هو أهلي محمود طاهر، وهو هو أهلي الخطيب».

وأكد لاعب الزمالك السابق: «عشان كدا الأهلي كبير وهيفضل كبير، ناس كتير غلطت الأهلي لما اتعاقد مع إمام عاشور، عشان موضوع الأغنية إياها في ماتش الشباب، والناس دي غلطانة، لأن الاحتراف قايم على الثواب والعقاب».

رسالة لإمام عاشور

وأضاف «الغندور»: «إمام أخطأ واتعاقب واعتذر، وراح الأهلي وأدى أداء عالي جدا، ولما أخطأ اتعاقب، لكن الغلطة الأخيرة كبيرة أوي أوي أوي يا إمام، فكك من الفلوس والعقود والإدارة فين انتمائك للجمهور، لزمايلك في الملعب».

وتابع: «نفسي أعرف فين دماغك وأنت بتتخلى عن فريقك وهو مسافر تنزانيا يلعب ماتش في أهم بطولة للأهلي وجمهوره؟.. بالمناسبة يا إمام، الأهلي الكبير، مش هيقف عليك، ومحدش هيخسر زيك، وأول خسائرك العقوبة التاريخية خصم مليون ونص وإيقاف خمس ماتشات، لكن الخسارة الأهم هي صورتك قدام الجمهور، اللي غير رأيه فيك عشان خاطرك، وصورتك قدام الإدارة اللي أكرمتك وقدرتك، وصورتك قدام زمايلك في الملعب».

خالد الغندور: لن يصح إلا الصحيح

وشدد خالد الغندور، على أنه «في النهاية، لن يصح إلا الصحيح، وغلطة الشاطر بألف، والغلطة يا نجم لما تكون في حق كيان عظيم معروف بمبادئه وصرامته، مش بتكون بألف بس، لا».

وأكد: «يا ريت تعيد حساباتك يا إمام، عايز تقعد وتكمل يبقى تعتذر وتلتزم، ولو عايز تخرج يبقى تعتذر برضه وترضخ لناديك وتحترم عقدك، وتخرج من الباب الكبير، لكن مش معقول، كل كام سنة، تبيع الناس اللي بتشتريك، شابوو للنادي الأهلي».