هشام نصر وزيزو
أكد هشام نصر نائب رئيس نادى الزمالك أنه يشعر بالحزن بشأن رحيل أحمد مصطفى زيزو، لاعب الفريق الأول لكرة القدم بالنادي الأهلي، عن القلعة البيضاء، بنهاية الموسم الماضي، بعد انتهاء تعاقده مع الزمالك.
قال نصر، في تصريحات إذاعية: «ماليش دعوة بزيزو، ومش شايفه أصلا، ومش هقيم مستواه مع الأهلى، أنا زعلان عليه، لأنه هيكسب فلوس سنتين مثلا، لكن خسر تاريخه في الزمالك، لأنه كان سيصبح أسطورة في النادي».
وأضاف: «زيزو كان طالب أكتر من 60 مليون جنيه للتجديد للزمالك، ومفيش لاعب في مصر يستاهل المبلغ ده، ربنا يسهله هو اختار طريق بعيد عنا، وشيكابالا دلوقتى الناس كلها بتتصور معاه وشايفاه رمز، رغم أنه كان عنده أخطاء وهو لاعب، بس هو أعظم من لمس الكورة برجله الشمال، وحب الزمالك واختار يبقى جواه لنهاية العمر، مش زي زيزو، واللى عمله على فكرة مش احتراف».
تعليقات الفيسبوك