حسام وإبراهيم حسن
كشف التوأم حسام وإبراهيم حسن عن تفاصيل انتقالهم من الأهلي والزمالك ولحظة ارتداء تيشيرت القلعة البيضاء بعد قرارهم بعد الاحتراف والانضمام للفارس الأبيض.
وقال إبراهيم حسن خلال حواره بقناة أون سبورت مع الإعلامي سيف زاهر: «كنا قررنا نلعب في تركيا عشان مش قادرين نلعب في فريق تاني في مصر غير الأهلي ولكن لقينا كلام مش كويس ضدنا وقررنا نرجع بسبب الكلام ده وأحمد رمزي وكمال دراويش كلمونا عشان ننضم للزمالك وبالفعل رجعنا عليهم ومفكرناش في فلوس كان فيه تحدي لأن الأهلي قرر رحيلنا بدون أي سبب وناس كتير غلطت فينا».
وتابع: «واحنا رايحين المؤتمر الصحفي استنينا حد من النادي الأهلي يكلمنا ويقولنا النادي الأهلي مش هيفرط فيكوا مكناش مصدقين اننا رايحن الزمالك ومش متخيلين، ولكن الموقف الصعب واحنا بنلبس تيشرت الزمالك الموضوع مش سهل حاسس إنك بتعمل حاجة مش إنت خالص لأنك متربي في الأهلي ووالدتي كانت مرحبة جدا بالصفقة لأنها شافت اللي احنا اتعرضنا ليه».
فيما قال حسام حسن: «اتكسر الاحساس والقلق بينا وبين جمهور الزمالك بعد أول مباراة وسجلنا هدفين في مباراة المريخ وحسينا بعدها براحة نفسية كبيرة جدا ، ولكن كان فيه خنقة إن ليه بيحصل معانا كده موقف كان صعب جدا جدا في ولكن دلوقتي الاتنين عندي واحد الأهلي والزمالك كأنك عندك توأم ومينفعش تفرق بينهم».
فيما قال إبراهيم حسن : «اللي لسه عايش دلوقتي من النادي الأهلي وقت انتقالنا للزمالك المفروض يقول كلمة حق ودي أمانة ويقول إن إحنا غلطنا في حق الناس دي وفرطنا فيهم».
كوريا الجنوبية
-
:
-
05:00 AM
كأس العالم 2026
التشيك
كندا
-
:
-
10:00 PM
كأس العالم 2026
البوسنة والهرسك
تعليقات الفيسبوك