مريم
وجهت مريم محمود، صاحبة برونزية بطولة العالم لمصارعة الذراعين، نداء لمسئولي الرياضة في الدولة، لإنقاذها من تعنت الاتحاد ضدها، بعدم توفير ميزان لها مع المنتخب الوطني، للمشاركة ببطولة العالم المقبلة.
وكتبت مريم عبر صفحتها الرسمية على موقع التواصل الإجتماعي "فيس بوك": "يعني السنه الي فاتت ك ابراهيم المدير الفني و ك نصر المدير الاداري هم الاتنين قالولي اني لو رحت بطوله العالم هجيب ميداليه و مع ذلك معملوش حسابي في الموازين و خلوني العب مع ميزان ال٧٠ سيدات و طبيعي اني اخسر و تضيع فرصتي في السفر علي حساب الاتحاد و لان كان عندي اصرار اقنعت بابا انه يسفرني علي حسابه و يتحمل التكاليف السفر و الاقامه و الطيران و اشتراك البطوله و كله علي حسابه".
وتابعت: "لما جبت ميداليه المستشار زين ادعي عدم معرفته بكل ده و وعدني ان السنه الجايه الي هي السنادي هيعملي ميزان خاص و اسافر علي حساب الاتحاد اتفاجيء بان تجارب السنادي برده مفيهاش ميزاني و هي نفسها ٧٠ و مفتوح، يعني مطلوب مني تاني العب و اخسر و اسافر علي حسابي تاني، الطبيعي اني رايحه العب ميزان ٥٠ تحت ٢١ سنه بره و فالاخر بيلعبوني ٧٠ تاني اللي هم اكبر مني سنا و وزنا بكتير، حسبي الله و نعم الوكيل".
واختتمت: "يعني ايه المطلوب بقي، هل مطلوب مني اسافر علي حسابي تاني السنادي كمان ولا الاتحاد مش عايز ميداليات ولا هم عايزين يسافروا و يرجعوا و يقولوا احنا حصلنا علي مراكز "متقدمة" و حسبي الله و نعم الوكيل.
تعليقات الفيسبوك