حوار تخيلي بين "راموس والشحات" قبل نهائي مونديال الأندية
01:41 م | الجمعة 21 ديسمبر 2018
حسين الشحات
تترقب الجماهير المصرية نهائي كأس العالم للأندية، الذي يجمع بين ريال مدريد والعين الإماراتي مساء غد السبت، نظرا لتواجد المحترف المصري حسين الشحات، بصفوف الفريق الإماراتي.
ومنذ انطلاق مونديال الأندية قدم الشحات، مستوى قوي وأستطاع إحراز هدف في شباك الترجي التونسي، خلال المبارة التي انتهت بفوز الفريق الإمارتي بثلاثة أهداف دون رد، ثم استكمل العين مغامرته بالفوز على ريفر بليت بركلات الترجيح بنتيجة 5-4 في المباراة التي جمعتهما على ملعب هزاع بن زايد.
ويستعرض "الوطن سبورت" على سبيل التخيل "حوار تخيلي" بين سيرجو راموس قائد ريال مدريد، وحسين الشحات نجم العين الإماراتي، باعتبار أنها أول مواجهة رسمية بين لاعب مصري وقائد الفريق الملكي منذ واقعة نهائي دوري أبطال أوروبا الموسم الماضي، الذي تسبب فيها راموس، بإصابة قوية للنجم المصري المحترف بصفوف ليفربول محمد صلاح.
حسين الشحات: أهلا يا راموس أعرفك بنفسي أنا المصري حسين الشحات لاعب العين
راموس: أهلا صديقي المصرين ورايا ورايا ولا ايه
حسين الشحات:حظك بقى هتعمل ايه بس المرة ده مش هتعمل زي معملت المرة اللي فاتت
راموس: وأنا عملت ايه المرة اللي فاتت أنت هتكدبوا الكدبة وتصدوقها
حسين الشحات: كدبة ده العالم كله شاف أنت عملت ايه مع صلاح صوت وصورة وازاي اتسببت في إصابته مبكرا عشان يطلع من الماتش خالص
راموس: يا حبيبي احنا بنلعب كرة قدم لعبة رجالة.. يعني الالحتامات فيها واردة بس انتوا كمصريين افورتوا الموضوع اوي
حسين الشحات: لما تخش على أهم لاعب بالمنافس بعنف وتتعمد إصابته متقباش افورة يبقى أسلوب وطريقة لعب منك
راموس: عامة احنا كسبنا ماتش ليفربول وخدنا دوري أبطال أوروبا ووصلنا نهائي مونديال الأندية كمان خلينا نبص للحاضر وننسى الماضي
حسين الشحات: الله ينور عليك يا صاحبي أنت قلت المفيد كده خلينا في الحاضر وقلت كمان أن احنا بنلعب رجالة خلى الملعب بقى يثبت ده في النهائي
راموس: ماشي يا صديقي الملعب يكدب الغطاس زي مبتقولوا ونشوف اللي هيحصل
حسين الشحات: اسمها المياة بتكدب الغطاس مش الملعب
راموس: مياة أو ملعب ادينا هنبقى رجل لرجل ونشوف اللي هيحصل بس على الله متعطيش زي صلاح في أول تدخل
حسين الشحات: صلاح عيط عشان راجل وعاوز يكمل المتش مع زمايله ويجيب البطولة وعلى كلامك انسى الماضي وهنشوف النهاردة مين هيعيط
راموس: دعنا ننتظر ونرى يا صديقي المصري
تعليقات الفيسبوك