حوار تخيلي بين محمد صلاح وأم مكة.. وميسي وأم تياجو قبل صدام ليفربول وبرشلونة
12:47 م | الأربعاء 01 مايو 2019
صلاح وميسي
يحل ليفربول الإنجليزي ضيفا على برشلونة الإسباني، في ذهاب نصف نهائي دوري أبطال أوروبا، وتنطلق في التاسعة مساء على ملعب كامب نو، معقل الفريق الكتالوني.
وتشهد مباراة اليوم مواجهة منتظرة بين الأرجنتيني ليونيل ميسي نجم برشلونة الإسباني والفرعون المصري محمد صلاح نجم ليفربول الإنجليزي.
ويستعرض "الوطن سبورت" على سبيل التخيل، حوارا بين زوجة ميسي وزوجها وزوجة محمد صلاح والفرعون المصري، قبل صدام النجمين المثير المقرر له اليوم.
حوار أم مكة مع محمد صلاح
أم مكة: رقيتك واسترقيتك يا حبيبي من كل عين شافتك ولاصليت على النبي
محمد صلاح: يا بنتي ايه اللي بتعمليه ده ده احنا رايحين نلاعب برشلونة مش مركز شباب بلدنا
أم مكة: وأنت يهمك برشلونة ولا غيره انت نجم يا حبيبي وقادر على مواجهة أي فريق
محمد صلاح: بس دول مبيفعش معاهم تعويذة ولا غيره دول عاوزيين تفضلي تقري آية الكرسي عشان ربنا ينصرنا
أم مكة: هدعليك يا حبيبي طول اليوم مش هسيب المصحف المهم تفضل ترفع راسنا خصوصا ادام ميسي
محمد صلاح: ربنا يستر الناس كلها النهاردة هتقارن بينه وبينه في الماتش
أم مكة: وانت قدها وقدود انت هداف الدوري الإنجليزي اللي هو أصعب مليون مرة من الدوري الإسباني.
محمد صلاح: خلاص بقيتي خبيرة كرة قدم وقررتي أن الدوري الإنجليزي أصعب من الدوري الإسباني
أم مكة: طبعا وكل الناس عرفة كده كويس
محمد صلاح: طيب بلاش تمسكي في النغمة ده بقى عشان السنة الجاية ممكن أكون في ريال مدريد وساعتها هيبقى عندك الدوري الإسباني أقوى من الإنجليزي ومن أي دوري تاني في العالم طبعا.
أم مكة: هههههه أنت ببتريق بقى أنا عشان بحبك بس معاك علطول سواء ليفربول أو ريال مدريد المهم ركز النهاردة بس والموسم الجاي يحلها ربنا ونشوف حكاية الأقوى ده الدوري الإنجليزي ولا الاسباني
محمد صلاح: ماشي يا حبييتي ادعيلي انت بس وربنا يسهل ادام ميسي ورفاقه.
أم مكة: بس متنساش لو جبت جون النهاردة بلاش احتفال اليوجا ده عشان الشيوخ علقت عليه وخليك في السجود بس
محمد صلاح: ان شاء الله اجيب جون بس في برشلونة وأنا اسجد بملعب الكامب نو
أم مكة: عاوزة اقولك حاجة في الآخر لو عرفت بعد الماتش مكة تخد صورة مع ميسي
محمد صلاح: هههه ماشي
حوار أنطونيلا روكوزو مع ميسي
ميسي: شايفك مشغولة بسلسلة هاري بوتر وأنا عندي ماتش مهم النهاردة في نص نهائي دوري أبطال أوروبا
أم تياجو: وهي ده أول مرة ده أنت طول مشوارك متعود على النهائيات والمباريات الحاسمة
ميسي: بس احنا بقالنا فترة نحس بيطاردنا في دوري أبطال أوروبا والبطولة غايبة عننا
أم تياجو: ده الوقت اللي تكسر فيه النحس ده وتثبت النهاردة أنت أنت الأفضل في العالم كله
ميسي: اشمعنى النهاردة
أم تياجو: عشان الناس اللي بتقارن بينك وبين محمد صلاح ده بتاع ليفربول
ميسي: بس صلاح نجم كبير فعلا
أم تياجو: أنت أدرى بس لو حسابنها بطولات وأرقام هو ميجيش جنبك حاجة والنهاردة لازم تثبت للعالم كله الكلام ده
ميسي: ازاي يعني
أم تياجو: قيادتك لفريقك للفوز بعدد كبير من الأهداف هيثبت أنك أفضل من صلاح وأنك صنعت الفارق مع فريقك في مواجهة مباشرة بينك وبينه.
تعليقات الفيسبوك