محمود كهربا لاعب الزمالك السابق
وجه رئيس نادي الزمالك، تحذيرًا شديد اللهجة إلى مجلس إدارة النادي الأهلي، فيما يتعلق باقتراب الأحمر من التعاقد مع اللاعب محمود عبد المنعم كهربا.
وكان كهربا قد رحل عن صفوف نادي الزمالك مطلع الموسم الجاري دون موافقة النادي، ليخوض تجربة احترافية في البرتغال رفقة فريق أفيش البرتغالي، قبل أن يقترب من العودة إلى مصر من بوابة النادي الأهلي.
وقال رئيس الزمالك في مداخلة هاتفية لبرنامج "الزمالك اليوم": "أنا بقول للمسئولين في النادي الأهلي وبحذرهم، لو اتعاقدتوا مع كهربا هتتوقفوا، وهتدخلوا نفسكوا في مشكلة كبيرة جدًا".
وأضاف ساخرًا: "هو ينفع الأهلي يجيب كهربا أصلًا، دلوقتي لو واحدة سابت جوزها واتجوزت عرفي من واحد برتغالي، هينفع تتجوز تاني من واحد مصري؟".
وأردف: "هو إيه الفرق بين الحضري وكهربا؟ يعني الحضري هارب وكهربا مش هارب، كهربا مازال في عقده مع الزمالك 3 سنوات".
وواصل حديثه: "الحضري من ساعة ما هرب مابيدخلش الأهلي ودلوقتي عايزين يجيبوا كهربا، هو الأهلي عنده دولاب للمبادئ بيخرجوها بس وقت ما بيكونوا عايزين؟".
وتابع رئيس القلعة البيضاء عن احتمالية عودة كهربا إلى الزمالك: "الزمالك مش عايز كهربا ومابنتفاوضش معاه، وبقول تاني كهربا ماينفعش يروح الأهلي".
وأكد رئيس الزمالك، أن أزمة كهربا تعد واحدة من أزمات عديدة يحاول البعض تصديرها إلى النادي من أجل هدمه وإضعافه، مشيرًا إلى أن هناك صفحات عبر مواقع التواصل الاجتماعي تحصل على الأموال لهدم الفريق.
وأردف: "نخلص من مشكلة كهربا نخش في مشكلة جنش، بعدها مشكلة جينيراسيون ودلوقتي مشكلة طارق حامد، لا إحنا مش إسرائيل عشان يتعمل فينا كدة الزمالك نادي وطني".
تعليقات الفيسبوك