ربيعة: الإصابات حرمتني من بطولات مع المنتخب.. وجاهز للمشاركة مع الأهلي
05:52 ص | الأحد 27 أكتوبر 2019
رامي ربيعة مدافع النادي الاهلي
أكد رامي ربيعة، مدافع الفريق الأول لكرة القدم بالنادي الأهلي، أنه لا يلتفت إلى أحاديث الجماهير على الإصابات التي يتعرض لها، مؤكدًا أنها حرمته من بطولات كثيرة مع المنتخبات بكل الأعمار السنية خلال الأونة الأخيرة.
وقال رامي ربيعة في مداخلة مع الإعلامي سيف زاهر، على قناة أون سبورت: "في البداية عاوز أوجه رسالة إلى محمد محمود، ربنا معاه، لأن الجمهور مش عارف قد ايه اللاعب بيعاني نفسيًا لما بيواجه إصابة مرتين ورا بعض"، مؤكداً أن أصبح جاهز للمشاركة مع الأهلي في الوقت الحالي.
وتابع: "أنا نفسيا في الإصابات التي أتعرض لها بكون مدمر، بس لازم الواحد يقف على رجله ولا يلتفت لكلام الناس، الناس طول ما انت في الملعب بتصقفلك، وأنت برة بتنساك، فلازم ترمي كلام الناس ورا ضهرك، وأنا كنت بعمل كدا في أي إصابة، والناس تقول رامي الأهلي هيستغنى عنه ولاعب إصاباته كتيرة، وأنا عارف إن كل اللى بيتكلموا ولا فاهمين حاجة".
وأكمل: "الإصابة لما بتجيلي بيكون قضاء ربنا وقدره، مفيش حاجة اسمها عنده مشكلة عضلية، وإصابة مزمنة، كل الناس بتقول كلام مش مفهوم، ولازم محمد محمود يرمي كلام الناس ورا دهره لاعب كويس ومحترم وإن شاء الله هيرجع أحسن من الأول".
رامي ربيعة: فاتني بطولات كتير مع المنتخب
وعن إصرار اللاعب للعودة بأقصى سرعة من الإصابة وعدم تكراراها مجددًا، قال رامي ربيعة: "اللاعب بيكون عنده تحدي أمام نفسه للعودة بأقصى سرعة لكي لا ينساه الجماهير".
وأردف: "أنا فاتني بطولات كتير مع المنتخب، لو عديتهم المفروض أكون بلعب أساسي كمان، مش هقولك قاعد إحتياطي أو ممكن أروح وممكن لا، بداية من منتخب الشباب حتى الأول، في بطولات كتير فاتتني زي كأس العالم للشباب روحت هناك ورجعت للإصابة، والأولمبياد كنت أساسي ورغم المشاركة في جميع مباريات التصفيات مروحتش، كأس عالم أول في روسيا مروحتش، أمم أفريقيا مرتين مروحتش، ولكن الحمد لله غصب عني هعمل ايه، بركز مع نفسي وبحاول ماخدوتش وقت كبير في الإصابة".
تعليقات الفيسبوك