رامي ربيعة يشيد بدعم الخطيب: "له مفعول السحر مع كل اللاعبين"
02:46 ص | الأحد 27 أكتوبر 2019
رامي ربيعة مدافع الفريق الأول لكرة القدم بالنادي الأهلي
وجه رامي ربيعة مدافع النادي الأهلي، رسالة شكر لناديه، قائلًا: "المسؤولين في النادي الأهلي على أعلى مستوى من الاحترام بصراحة، بيقعدوا مع اللاعب ويسألوه إصابتك محتاجة تتعالج في مصر ولا برة، بيحسسوك وأنت مصاب أنك موجود ضمن الفريق، أنا قعدت سنة كاملة مصاب في الحوض، ومكنتش حاسس إن بعيد عن الفريق بيسألوا عليا وبيكلموني بإستمرار، والكابتن محمود الخطيب في وقتها كان معايا في ألمانيا".
وأشاد بمعاملة محمود الخطيب، متابعًا حديثه: "كابتن الخطيب له مفعول السحر مع كل اللاعبين، تحس إن الكلمة طالعة منه عارف بيقولها إمتى وفين، ما شاء الله قيمة كبيرة جدًا تقعد تتعلم منه، وهو تقيل عارف كل لاعيب يدخله منين وبيعرف أزاي يوصل لكل لاعب المعلومة، وقال في ألمانيا متستعجلش وارمي كلام الناس ورا دهرك وكان بيدعمني دايما عشان أرجع أحسن من الأول، وأتمناله الصحة والسلامة".
وتسائل "ربيعة"، خلال مداخلة هاتفية مع الإعلامي سيف زاهر، عبر قناة أون سبورت: "بيقولوا عليا لاعب إصاباته بتتكرر، طب هاتولي إصابة اتكررت في مكان واحد، يعني إيه إصابة مزمنة في عضلة مفيش حاجة اسمها كدة، إصابة مزمنة يعني بتيجي في مكان واحد أكتر من مرة، عمري ما جالي إصابة في نفس المكان، والحمد لله".
رامي ربيعة: جاهز للمشاركة مع الأهلي في أفريقيا
وأنهى حديثه قائلًا: "أنا الحمد لله من أول الدوري وأنا موجود، جالي إصابة بشد خفيف في العضلة الخلفية في لقاء إطلع برة، وقعدت إسبوعين فقط ورجعت، ودلوقتي موجود وبلعب بشكل أساسي، وإن شاء الله أكون موجود في البطولة الأفريقية على خير".
يُذكر أن الاهلي تأهل لدور المجموعات بدوري أبطال أفريقيا، بعد الفوز على كانو سبورت بطل غينيا الاستوائية، بنتيجة 6-0، ذهابًا وإيابًا، ويتواجد ضمن المجموعة الثانية التي تضم الهلال السوداني والنجم الساحلي التونسي وبلاتينوم بطل زيمبابوي.
ويستهل الأهلي مشوار دور المجموعات أمام النجم الساحلي، خارج الديار، أحد يومي 29 و30 نوفمبر المقبل، ثم يواجه نظيره الهلال السوداني، أحد يومي 6 أو 7 ديسمبر المقبل، على أن يواجه بلاتنيوم ستارز الزيمبابوي في مصر بالجولة الثالثة أحد يومي 27 أو 28 من نفس الشهر.
تعليقات الفيسبوك