أحمد فتحي ومحمد صلاح لاعبا منتخب مصر
علق أحمد فتحي لاعب فريق النادي الأهلي، لأول مرة على أزمة شارة قيادة منتخب مصر، الذي أثيرت خلال الأيام الماضية حول منحها لمحمد صلاح على حسابه.
وكان محمد بركات مدير المنتخب المصري قد استطلع رأي فتحي في منح شارة القيادة لمحمد صلاح وهو ما رفضه فتحي، ليحسم حسام البدري المدير الفني للمنتخب، الأزمة تمامًا بإعلانه منحها لفتحي حسب الأقدمية.
وقال فتحي في حواره مع الإعلامي سيف زاهر، على برنامج "ملعب أون"، المذاع على قناة "أون سبورت": "الحمد لله إن الأزمة خلصت وانتهت قبل ما تبتدي أساسًا، مش أول موقف صعب الواحد يتحط فيه".
وأضاف "الجوكر": "الواحد بيتحط في مواقف صعبة كتير، لكن الواحد بيعدي منها وربنا اللي بيودينا للي فيه الخير".
واكتفى فتحي بتلك الكلمات للتعليق على أزمة الشارة ليتطرق بعدها للحديث عن أزمة معسكر المنتخب في روسيا بكأس العالم 2018: "مكانش في أي مشاكل في معسكر روسيا، ولا كان في فوضى".
وتابع حديثه: "كنا بنبقى عارفين رايحين فين وجايين منين، وكنا في غاية التركيز وقدمنا مباراة كبيرة أمام الأوروجواي".
وعن أزمة التقاط الصور مع اللاعبين قال فتحي: "ده طبيعي إن الناس تكون عايزة تتصور معاك وده مابيمثلش ضغط، لكن الضغط الحقيقي بصراحة بيكون على محمد صلاح لأنه محبوب جدًا".
وأردف: "أنا دايمًا بقوله الله يكون في عونك على اللي بتقابله لأنه ضغط كبير جدًا، لما بيروح أي حتى الناس كلها بتكون عايزة تتصور معاه، ودة طبيعي بسبب المكانة اللي وصلها".
واختتم فتحي قائلا: "أنا بناتي بيحبوه أكتر مني وبيبقوا عايزين يتصوروا معاه، ولما بروح أي مكان الناس بتسألني هو أنت صاحب محمد صلاح؟".
ليفربول
-
:
-
06:30 PM
الدوري الإنجليزي
توتنهام
سموحة
-
:
-
07:00 PM
الدوري المصري
الزمالك
تعليقات الفيسبوك