قال اللاعب رمضان صبحي، نجم النادي الأهلي والمنتخب الأوليمبي، إن طاهر محمد طاهر لاعب المنتخب، هو صاحب فكرة ارتداء قناع "سلفادور دالي"، الذي ظهر في مسلسل "لا كاسا دي بابل".
وأضاف خلال استضافته ببرنامج "معكم"، الذي تقدمه الإعلامية منى الشاذلي على شاشة "cbc": "فجأة وإحنا قاعدين طاهر قالنا إيه رأيكم ندخل لابسين الأقنعة، وكلنا وافقنا".
وتابع: "قلتله بس هتعرف تجيب العدد دا كله إزاي، فهو وأحمد ياسر ريان كلموا ناس صحابهم وجابوا ماسكات على قدنا، وكلمنا ناس من المنظمين وسألناهم عن الموقف القانوني من اللي هنعمله وقالوا مفيش حاجة".
واستطرد: "طاهر كان متولي المهمة وبيسأل وبيعمل كل حاجة ومكنش بيقولنا عشان ميشغلناش خصوصا إنه كان مصاب في الوقت دا، وعمل كل حاجة من غير ميشتتنا، وقالنا خليكوا مركزين، ومحدش اعترض لأننا كنا دايما بناخد رأي الأغلبية في كل حاجة بنعملها، وكان فيه تكاتف حلو جدا بينا".
وأوضح: "كنا خايفين من رد فعل شوقي غريب المدير الفني للمنتخب، وكلنا لبسنا الماسكات ومسكت السماعة وشغلنا أغنية ونزلنا نصقف كلنا، وبعد ما دخلنا الاستاد إدينا الماسكات لطاهر وقولناله خبيها بسرعة قبل المدير الفني ما يدخل".
وأكد أن شوقي غريب، المدير الفني للمنتخب، يعلم أنه يتعامل مع رجال، "إحنا بننزل ندي المباراة كل مجهودنا، وأمر طبيعي نطلع نفسنا من مود الزهق بأي شكل لأننا كنا في فندق لمدة شهر".
تعليقات الفيسبوك