طارق يحيي
عاتب الإعلامي عمرو أديب الكابتن طارق يحيى المدير الفني لنادي طلائع الجيش، بعد خسارة الزمالك أمام الطلائع بهدفين مقابل هدف، قائلا: "كده برده مكنش العشم وده الزمالك يا كابتن طارق"، ليرد الأخير على أديب: "والله أنا نفسي بقول لنفسي كده، وبقول هذا الكلام، لكن إحنا موقفنا صعب، إحنا التاني من تحت".
وقال يحيى، خلال مداخلة هاتفية مع الإعلامي عمرو أديب في برنامج "الحكاية" المذاع عبر فضائية "mbc مصر"، إن موقف نادي طلائع الجيش صعب، مشيرًا إلى أنه تسلم الفريق وهو في مكانة لا تليق بنادي طلائع الجيش.
وأكد يحيى أن فوز فريقه على الزمالك أعطى دفعة كبيرة للفريق، خاصة بعدما نجح الأبيض في الفوز على بيراميدز خلال الجولة الماضية.
وتحدث يحيي عن حالة نادي الزمالك: "اتفاجئت بحالة الزمالك النهاردة، لأن أداء الزمالك أمام بيراميدز أرهبني وخوفني، لكن لما شفت الأولاد النهاردة مع الزمالك استغلينا الحالة اللي كان فيها لعيبة الزمالك".
وأضاف: "أنا فوجئت بالربكة اللي كان فيها لعيبة الزمالك بدون داعي، وطالبت اللاعبين يضغطوا على الأطراف وقفلنا نص الملعب على صناع الألعاب الموجودين".
وأبدى يحيى غضبه من الاتهامات التي وجهت له قبل المباراة بتفويتها إلى الزمالك: "الكلام ده بيتقال من ناس مريضة وأنا ابن نادي الزمالك وأنا عمري ما اتأخرت عن نادي الزمالك في أي حاجة، ومش علشان أنا زملكاوي يبقى هسيب الماتشات، والنغمة دي خلت الواحد قرفان وعايز يبطل تدريب".
تعليقات الفيسبوك