أحمد حسن عميد لاعبي العالم
أعلن الصقر أحمد حسن عميد لاعبي العالم، ونجم الكرة المصرية السابق، عن غضبه واستياءه بسبب منع الصلاة في المساجد وخاصة صلاة الجمعة بسبب فيروس كورونا المستجد.
وكتب حسن عبر حسابه الرسمي على مواقع التواصل الاجتماعي "فيس بوك": "اللهم أرفع عنا البلاء، قلما ممكن اتكلم في حاجه حاسس بيها أو شخصية، بس فعلا النهاردة يوم حزين حسرة ووجع في القلب".
وتابع: "على فكرة أنا لا شيخ ولا وأعظ وأكيد مليان عيوب بس بحاول التزم، وده راجع للنشأة والتربية والعادات والتقاليد يمكن من المرة القليل في حياتي مصليش صلاة جمعة، أو أمتنع عنها لظروف قاهريه مثلا زي السفر أو لبلاد لا يوجد بها مساجد، حتي لما كنت بنسافر مع فرق أو منتخبات كنا بنعمل صلاه الجمعة مع بعض حتى لو جوه الفندق".
وأتم: "لدرجة من كتر حرصي على صلاة الجمعة حصلي مشكله كبيرة وأنا بلعب في بلجيكا بسبب صلاة الجمعة كانت في نفس ميعاد التدريبات وكنت مصر أني أصلي الجمعة مهما حصل لحد مغيرو معاد التمرين علشان أقدر أصلي صلاة الجمعة لكن النهاردة في حزن حسرة ووجع في القلب والناس كلها بتسمع أذان الجمعة ومش قادره تنزل المسجد، اللهم ارفع البلاء والوباء عنا جميعا برحمتك يا أرحم الراحمين واحفظ الجميع".
تعليقات الفيسبوك