عادل عبدالرحمن للزمالكاوية: "الأهلي نادي القرن.. وكفاية هبد" (فيديو)

أخبار متعلقة

أحمد رمزي: أطالب بفتح ملف "نادي القرن" من جديد

علي معلول لـ"الوطن سبورت": أنا أهلاوي وسأنهي مسيرتي في نادي القرن

مصطفى مراد فهمي يروي كواليس حصول الأهلي على لقب نادي القرن الأفريقي

فايلر عن التعاقد مع الأهلي: من الصعب رفض عرض نادي القرن.. معروف عالميا

خرج عادل عبدالرحمن نجم الأهلي والمنتخب الوطني السابق، بتصريحات نارية، تحدث خلالها عن قصة تتويج الأهلي بلقب نادي القرن الإفريقي، والتي أثيرت مجدداً في الفترة الأخيرة.

وقال عبدالرحمن في فيديو مصور لـ"الوطن سبورت": "الهبد اليومين دول على نادي القرن كتر أوي، موضوع منتهي من 20 سنة، لأن الأهلي الأكثر تتويجا، والأكثر حصولاً على البطولات".

وتابع مدرب فريق الشباب بالقلعة الحمراء السابق: "هقولكوا حاجة بسيطة، لو لاعب لعب للأهلي من 50 سنة 3 أو 4 سنين، هتلاقيه أخد على الأقل 8 أو 9 بطولات".

وأضاف: "بلاش دي، القرن التاني اللي عدينا منه 20 سنة ده، الأهلي توج خلاله بـ43 بطولة، يعني لو قعد 20 سنة ميلعبش محدش يقدر يحصلوا".

لو سألت مشجع أهلاوي عنده 30 سنة هتلاقيه اتقاله 90 مبروك 

وأكمل نجم القلعة الحمراء السابق: "في مصر الأهلي الأكثر تتويجاً بالدوري، عارفين مين رقم 2؟ حسام عاشور بـ13 بطولة"، لو جبت أي واحد من جمهور الأهلي العظيم عنده 30 سنة، هتلاقيه اتقاله 80 90 مبروك لأنه خدله 80 90 بطولة في الـ30 سنة اللي فاتوا".

وأكمل عبدالرحمن الذي كان ضمن قائمة المنتخب الذي شارك في كأس العالم عام 1990: "الأهلي بينافس على لقب أكثر نادي في العالم تتويجاً بالبطولات، الأهلي فوق الجميع، وملوش منافس في أي حتة".

واختتم عبدالرحمن: "نقعد في البيت وحياتنا هترجع تاني إن شاء الله، وربنا يحمي مصر".

وكانت حملة من جماهير ورموز الزمالك، خرجت إلى النور خلال الأشهر القليلة الماضية، تشكك في تتويج الأهلي بلقب نادي القرن الأفريقي، وتطالب بفتح القضية مجدداً.