الحضري: مش عيب إني أعتذر لشوبير.. ومفيش مشكلة بيني وبينه
08:22 ص | الجمعة 24 أبريل 2020
عصام الحضري حارس مرمى المنتخب الوطني الأسبق
رد عصام الحضري حارس مرمى المنتخب الوطني الأسبق، على سؤال عن نفسنته من أحمد شوبير حارس مرمى الأهلي الأسبق وحارس المنتخب الوطني الأسبق في مونديال إيطاليا 1990.
وقال الحضري، إن الكابتن شوبير هو أول واحد قابلني في النادي الأهلي: "لما كنت بحتاج أي حاجة بطلبها منه، وده كان برة الملعب، لكن جوه الملعب أنا في حياتي بحب شغلي ومبعرفش حد وأنا بشتغل وفي قلب الملعب، مبعرفش غير حاجة واحدة بس شغلي وتمريني واجتهد في التمرين ده علشان ربنا يكرمني علشان عاوز ألعب أساسي".
وأضاف خلال استضافته في الحلقة الأولى من برنامج "شيخ الحارة والجريئة"، عبر شاشة "القاهرة والناس"، تقديم المخرجة والإعلامية إيناس الدغيدي، أن "الكورة مفيهاش نفسنة هي عمل جماعي ولازم أتمرن كويس علشان الفريق يوصل للهدف اللي عاوز يوصله".
وتابع، "أنا بلعب كورة القدم وعاوز أحقق تاريخ وتعبت واشتغلت، وفي منافسة علشان في 3 حاجات هيستفيدوا، أنا هستفيد، وحارس المرمي اللي معايا، والنادي بتاعي هيستفيد وفي الآخر نوصل للهدف اللي إحنا عاوزينه".
واستكمل، أن المنافسة كلها تكون في أي مركز وليس في حراسة المرمي "لازم أنافس زمايلي علشان أبقي كويس ولو أنا منفستش زميلي مش هبقي كويس، أنا بنافس علشان أبقي الجون الأساسي بتاع منتخب مصر، وبنافس علشان لو عاوز أخد أحسن جون في أفريقيا، وطول ما في منافسات في نجاح مفيش منافسات في فشل".
وأضاف، "مش عيب أني أعتذر للكابتن شوبير لأن في الفترة دي كان في مشادات أو ممكن أكون غلطت ورغم كده أتأسفت له على الهواء ومش عيب، ومفيش أي حاجة أن تكون في مشكلة بيني وبينه".
تعليقات الفيسبوك