أحمد أكرم
قال أحمد أكرم، لاعب السباحة بالنادي الأهلي، إنه شعر بالإحباط لتأجيل أولمبياد طوكيو بسبب فيروس كورونا المستجد، مستدركا أن القرار كان إيجابيا في نفس الوقت لأخذ قسط من الراحة بسبب الضغط، كما أنها تعد فرصة لإعادة تأهيل اللاعبين بشكل أكبر.
وأضاف "أكرم"، خلال لقاء ببرنامج "صباح الخير يا مصر"، المذاع على شاشة التلفزيون المصري، "آخر تمرين ليا كان يوم 19 مارس، وفي أمريكا قفلوا البسينات، ومكنش قدامي فرصة هناك أتمرن فكنت بكلم والدتي واتفقنا إن أنسب حاجة إني أنزل مصر، وبالفعل رجعت 2 أبريل وكنت مع اتصال مع الدكتور أشرف صبحي وزير الرياضة والرئيس عبدالفتاح السيسي".
وتابع: "جيت على طيارة واشنطن وبعد كدة روحت العزل الصحي في مرسى علم أسبوعين ولما خرجنا قررت أجيب أجهزة في البيت عشان أتمرن بس مش عارف أنزل بيسين دلوقتي والفترة الجاية إن شاء الله نرجع للنشاط".
وواصل: "أنا بالنسبالي لو قعدت يومين ومنزلتش التمرين إحساس الماية عندي بيروح خالص فتخيلي 3 شهور أنا منزلتش الماية فهيكون الإحساس صعب لما أرجع بس بتمرن تمرين أرضي، واحنا كسباحين عاوزين نرجع التمرين في أسرع وقت".
تعليقات الفيسبوك