محمد ايهاب
أعرب البطل الأولمبي محمد ايهاب، لاعب المنتخب الوطني لرفع الأثقال، عن استيائه من مكافأة دورة الألعاب الأفريقية، والتي تم تخفيضها إلى أقل من 10 آلاف جنيه.
وروى "إيهاب"، في تصريحات خاصة لـ"الوطن سبورت" تفاصيل الأزمة قائلا: "أخطروني في الاتحاد أن أتوجه لصرف مكافأة دورة الألعاب الأفريقية بعد حصدي 3 ذهبيات في البطولة، والتي قُدرت بـ30 ألف جنيه، وبعد الضرائب 21 ألفا".
وأضافت: "يعني الميدالية مكافأتها حوالي 7 آلاف جنيه، بعد ما كانت 38 ألفا عام 2007".
واستطرد: "ألف واحد من أبطال الألعاب الأخرى بيتقدر قد لاعب درجة تانية قاعد على الدكة في كرة القدم، ده يرضي مين؟".
وأضافبطل مصر في رفع الأثقال: "أنا مش بتكلم في 10 ولا 20 ألف، أنا بتكلم في تقدير، اللي بيحصل ده ممكن يغير مسار لاعب ويدمر نفسيته لأنه مش هياكل ويشرب ويفتح بيته بالميدالية، هيروح يشتغل صنايعي أو سباك أحسن".
وأوضح اللاعب الحاصل على برونزية أولمبياد ريو دي جانيرو، أنه يعتز بكونه مصرياً حاصلا على وسام الجمهورية من الطبقة الأولى، مضيفاً: "أنا لا بحب أقارن بدول تانية ولا بحد تاني، بس احنا فعلاً مظلومين وفي لاعيبة بتقبل بأي مكافأة عشان تعرف تعيش".
وأكمل: "لو كانوا قالوا قبل دورة الألعاب الأفريقية إن دي مكافأة الميداليات كان معظم اللاعيبة مرحتش"، واستطرد: "لو الـ300 لاعب اللي شاركوا في البطولة كانوا جابوا دهب كانت مكافأتهم هتبقى 300 ألف جنيه".
وأضاف ايهاب: "أنا لعبت بطولات أفريقيا وجبت دهب ومختدش جنيه ومتكلمتش، لكن دورة الألعاب الأفريقية دي بتتلعب كل 4 سنين، وأنا مش بطلب غير حقي وأننا منتظلمش".
وعن استعداداته لدورة الألعاب الأولمبية طوكيو 2020 التي تأجلت لصيف 2021، قال: "أقوم بالإعداد في المنزل، عملت جيم وجبت كل الأدوات، وفي انتظار قرار رفع الإيقاف عن رفع الأثقال والمشاركة".
الداخلية
-
:
-
07:00 PM
الدوري المصري
سيراميكا كليوباترا
الأهلي
-
:
-
07:00 PM
الدوري المصري
الجونة
فاركو
0
:
2
04:00 PM
الدوري المصري
الإسماعيلي
تعليقات الفيسبوك