عمرو السولية لاعب وسط الأهلي
أكد عمرو السولية، لاعب وسط الفريق الأول لكرة القدم بالنادي الأهلي، أنه اتخذ كافة الإجراءات القانونية ضد من تحرش بابنته وذلك عبر حسابه على موقع التواصل الاجتماعي "إنستجرام".
وغرد عمرو السولية على حسابه الشخصي عبر "تويتر": "تم إتخاذ كافة الإجراءات القانونية وعمل محاضر لكل من أساء في حقي أو في حق أي فرد من أفراد أسرتي".
كما طلب السولية من متابعيه عدم التهاون في الحصول على حقوقهم كاملة ضد أي فرد يسيء إلى أسرهم، مضيفًا عبر حسابه: "ياريت أي حد يتعرض لأي موقف مشابه ميسكتش عن حقه علشان نقدر نقضي على الظاهرة البشعة المنتشرة في مجتمعنا، ويحاسب كل من أساء، ربنا يحفظنا جميعاً".
وكان لاعب الأهلي قد تعرض لتحرش لفظي من جانب بعض المتابعين بابنته، بعدما قام بنشر صورتهما معا عبر حسابه على موقع "إنستجرام".
وكتب لاعب وسط المارد الأحمر عبر حسابه في وقت سابق: "بنتي ليلى عندها 3 سنين ونص، لسه قالعة البامبرز، الكلام ده بيتقال على طفلة، إيه اللي يخلي بني آدم خنزير ممكن يبص على لبس طفلة ويركز غير إنه فعلا خنزير؟، إيه المرض ده؟، دول اللي لما بيكبروا بيكونوا مغتصبين ومتحرشين وبنخاف على بناتنا وأهلنا ينزلوا الشارع علشان ميتعرضوش لأذاهم".
وتابع: "أتمنى الشيوخ اللي بيبرروا التحرش ولبس البنت يكونوا مبسوطين دلوقتي وهما شايفين اللي بيحصل، قررت أتقدم ببلاغات ضد أصحاب الكومنتات دي علشان اللي زيهم دول مينفعش يكبروا وسطنا، قررت أحمي بناتي اللي لسه مشافوش الدنيا وللأسف خايف عليهم يشوفوا كمية القرف والاشمئزاز ده".
المصري البورسعيدي
-
:
-
04:00 PM
الدوري المصري
الداخلية
المقاولون العرب
-
:
-
07:00 PM
الدوري المصري
سموحة
دريمز
-
:
-
07:00 PM
الكونفدرالية
الزمالك
تعليقات الفيسبوك