عبدالستار صبري لاعب بنفيكا السابق
أكد عبدالستار صبري، نجم منتخب مصر وفريق بنفيكا السابق، إن البرتغالي كريستيانو رونالدو نجم يوفنتوس الحالي وريال مدريد السابق، كان يعتبره مثلاً أعلى عندما كان يلعب في سبورتنج لشبونة، نظرا لتألقه في الدوري البرتغالي مع بنفيكا.
وقال صبري في تصريحات لبرنامج جمهور التالتة مع الإعلامي إبراهيم فايق عبر قناة أون تايم سبورتس 2: "كريستيانو كان قاعد احتياطي في ماتش الديربي بين سبورتنج لشبونة وبنفيكا في الدوري البرتغالي، وسبورتنج كان بقالهم 18 سنة مخدوش الدوري، وسجلت هدف تاريخي في بيتر شمايكل وكسبنا المباراة".
وأضاف: "بعد الماتش جه يتكلم معايا وخد التيشرت بتاعي، ومانشستر يونايتد عملوا لقاء ودي مع سبورتنج عشان يتفرجوا على رونالدو وسألوه تحب تبقى زي مين؟ جيجز ولا بيكهام ولا فيجو، قالهم لاعيبة كويسة بحبهم جداً لكن نفسي أبقى زي صبري، أنا بحبه".
وأضاف: "خدت أحسن لاعب في البرتغال سنتين ورا بعض، وعملولي تمثال هناك، ولقبوني بـ إيزيبيو في الدوري البرتغالي، وهو اللي اداني اللقب ده بعد ما تألقت في ماتش كان حاضر ي المدرجات وسجلت هدف بعد ما رقصت الفريق كله".
واختتم تصريحاته: "مجدي عبدالغني معروف جداً هناك، ولكن أنا ليا شعبية كبيرة، وصور مجدي عبدالغني كانت موجود في استاد فريقه السابق".
تعليقات الفيسبوك