محمود علاء
كشف وليد فاروق مخرج مباراة الزمالك وأسوان عن تفاصيل مشادة المصور مع محمود علاء عقب مباراة الفريقين ضمن فعاليات الجولة الثامنة والعشرين من مسابقة الدوري المصري الممتاز والتي أقيمت أحداثها على أرضية ملعب ستاد القاهرة الدولي .
وقال فاروق في تصريحات خاصة لـ "الوطن سبورت": "المباراة كانت انتهت ومحمود علاء خارج من الملعب وبعد ما الماتش بيخلص بنجيب ريأكشنات وتعبيرات اللعيبة والمدربين سواء كسبوا او خسروا.. ده طبيعي بيحصل في كل الدوريات".
وأضاف: "محمود علاء ردد للمصور لو أنا أهلاوي كنت هتصورني؟ ما بتعملوش كدة مع الأهلي ليه؟ وقام بسبه بعد اللقاء رغم أن مانفعله هو صميم شغلنا رغم قلة الإمكانيات التي نعاني منها داخل مصر".
وواصل: "ماحدث من محمود علاء دهبيحصل دايما من لعيبة الزمالك لما بيخسروا بس ساعات الحاجات دي ما بتظهرش لو المصور بعيد عن اللاعب لكن إمبارح كان فيه كاميرا عكسية في نفس مكان خروج اللعيبة".
وتابع:"دايما لعيبة نادي الزمالك عندهم عقدة الاضطهاد دي بالذات لما بيخسروا ونظرية المؤامرة، مع إن كل واحد بيشوف شغله مابيبقاش ليه علاقة بانتمائه وماحدش عايز يبوظ شغله طبعا".
واختتم: "التصوير والإخراج مصطلح لنقل كل الأشياء الخاصة بنقل الحدث بشكل كامل داخل ملعب المباراة، ولابد أن يحافظ اللاعبون على تصرفاتهم بشكل كامل داخل الملعب من أجل منع القيل والقال".
تعليقات الفيسبوك