أحمد عيد
كشف أحمد عيد عبد الملك، لاعب فريق الزمالك السابق، عن كواليس اختيار المدير الفني الجديد للزمالك خلفا للفرنسي باتريس كارتيرون، المدير الفني الحالي للتعاون السعودي عقب فسخ تعاقده مع الزمالك، وسداد الشرط الجزائي.
وقال أحمد عيد عبد الملك، عبر صفحته الشخصية على موقع التواصل الاجتماعي "فيسبوك"، "بكرة مستنين رد فيريرا لو وافق خير وبركة، لو رفض هيبقى غالباً كالديرون جاي يوم الإتنين صباح الفل الكلام ده توقع مش معلومة يا عادل بيه".
وكشف رئيس نادي الزمالك، عن أن المدرب السويسري كريستيان جروس، لم يعتذر عن تدريب الفريق الأبيض، لكنه كان يريد مستحقاته المادية مما أبعده عن حسابات الإدارة.
وقال رئيس الزمالك في تصريحات لبرنامج زملكاوي: "جروس لم يعتذر، لكن أنا لما لقيته بيقولي عايز شهرين بس ومستحقاته القديمة عرفت أنه مش جاي عشان يكسب البطولة، وعايز ياخد فلوسه وبس، قولتله متشكرين، ولما قولناله كده قال هيعمل عملية في عينه".
وأضاف رئيس القلعة البيضاء: "في مدرب تاني كل الجماهير بتحبه، اتكلمنا معاه وقال هياخد رأي مساعديه، وقال عايز أسماء اللاعيبة الجدد والقدامى، ومباريات الفريق المقبلة، عشان ياخد قراره".
وتابع: "ننتظر اليوم رده، لو وافق سنعلن غدا عنه على قناة الزمالك، لو رفض إحنا اتفقنا مع مدرب آخر كبير وسنتجه له في حالة تراجع المدرب الأول، وربنا يوفق الزمالك في النهاية".
تعليقات الفيسبوك