رضا عبد العال ولاعبي طنطا
كشف رضا عبد العال، المدير الفني لفريق الكرة بنادي طنطا، كواليس تواجد "شيخ" في غرفة ملابس الفريق، وسبب إقامة محاضرة المباراة على أرضية الملعب.
وقال عبد العال في حواره لـ"الوطن سبورت": "محمود الجوهري شخصياً كان بيعمل كده، جبنا شيخ يقرا قرآن في أوضة اللبس ومشي، مليش علاقة بالسحر والكلام اللي اتقال ده"، وأضاف: "المحاضرة كانت في الملعب عشان كان في هوا، التكييفات باظت في الغرفة، ازاي أعمل المحاضرة والدنيا ولعة والأوضة ضيقة، وكمان المسافة بعيدة بين الملعب وغرفة الملابس، هو أنا فيا حيل".
وعن إقامة ممر شرفي للأهلي بعد تتويجه بلقب الدوري، قال: "لا مش ناوي، كفاية أنهم خدوا الدوري وأتعملهم ممر شرفي من المقاصة، إحنا لسة بدري على ماتشنا".
وتحدث عبد العال عن صعوبة تحقيق نتيجة إيجابية في مباراتيه أمام الأهلي والزمالك في الدوري، موضحاً: "للأسف إحنا معندناش القماشة أو الخبرة اللي يقدر بيها اللاعيبة يحققوا نتيجة في مباريات كبيرة زي دي، بس أتمنى".
وكان اسم رضا عبد العال تصدر مواقع التواصل الاجتماعي المختلفة، في أول مباراة رسمية له على مقاعد القيادة الفنية لفريق طنطا، وذلك في المباراة التي جمعته أمام إف سي مصر، أمس السبت، في إطار الجولة الـ28 من الدوري العام، والتي انتهت بالتعادل السلبي بين الفريقين.
الإسماعيلي
-
:
-
07:00 PM
الدوري المصري
الأهلي
بروسيا دورتموند
-
:
-
10:00 PM
دوري أبطال أوروبا
باريس سان جيرمان
تعليقات الفيسبوك