أيمن يونس
علق أيمن يونس، الرئيس التنفيذي لكرة القدم بنادي الزمالك، على تعرضه للاعتداء عقب أدائه صلاة الجمعة، مؤكدًا أن الأمر جرى تهويله: "حتة عيل تافه، والحاجات دي تافهة بالنسبة لنا".
وأضاف يونس خلال مداخلة هاتفية مع الإعلامي عمرو أديب مقدم برنامج "الحكاية"، عبر شاشة "MBC مصر": "الناس في مصر بتعمل عملية تهويل وساعات بتعمل صناعة قصة مختلف عن الحقيقة ده عيل تافه حدف طوبة وخلصت".
وتابع: "ده موضوع بسيط وعدى عليّا كتير، أنا صليت الجمعة وولد خبط طوبة في العربية لما كنت جواها، ومتكلمتش معاه ولا حصل حاجة، والموضوع أبسط من كدة، وسبب الجروح إني خرجت غلط وبسوء تصرف مني".
وحرص أيمن يونس، الرئيس التنفيذي لكرة القدم بنادي الزمالك، على طمأنة جماهير الزمالك بعد الاعتداء عليه من مجهولين عقب صلاة الجمعة.
وقال "يونس" في فيديو له: "بشكر كل اللي سألوا عليا، مفيش حاجة الحمد لله بسيطة جدا ومفيش أي شيء، كل الموضوع كان طوبة، مفيش أي أزمة الزجاج فقط خربشني خرابيش بسيطة والموضوع غير مؤثر بالمرة، وبطمن جماهير الزمالك إننا واقفين مع الفريق حتى التسليم للمجلس الجديد".
وقال "يونس" في فيديو له: "بشكر كل اللي سألوا عليا، مفيش حاجة الحمد لله بسيطة جدا ومفيش أي شيء، كل الموضوع كان طوبة، مفيش أي أزمة الزجاج فقط خربشني خرابيش بسيطة والموضوع غير مؤثر بالمرة، وبطمن جماهير الزمالك إننا واقفين مع الفريق حتى التسليم للمجلس الجديد".
تعليقات الفيسبوك