يونس: الزمالك محتاج عدل.. عندنا حارس برقم كبير جدا ولاعيبة بتاخد قليل

أخبار متعلقة

أيمن يونس يطمئن جمهور الزمالك: أنا بخير ومستحقات الفريق موجودة (فيديو)

أحمد الأحمر يرفض الاعتداء على أيمن يونس: «رجل محترم يساند الزمالك»

وزير الرياضة يطالب أيمن يونس بتحرير محضر ضد المعتدين عليه

أيمن يونس بعد حادث الاعتداء عليه: لن أستقيل.. ساندوا الزمالك

أكد أيمن يونس الرئيس التنفيذي للجنة الكرة بالزمالك، أن النادي "غني" ويستطيع الحصول على الكثير من الصفقات والعقود لمصلحة النادي، موضحًا: "هنقدر نكفي نفسنا تماما، ومعانا شركة بريزنتيشن وهي شريك وضهر للنادي، واللي يقول غير كده يبقى مش عارف الحقيقة".

وأضاف يونس، خلال مداخلة هاتفية مع الإعلامي عمرو أديب مقدم برنامج "الحكاية"، عبر شاشة "MBC مصر": "الزمالك معاه فلوس ويقدر يشتري صفقات جديدة ويدفع حق قدامى اللاعبين، ونظبط عقود اللاعبين الصغار اللي بقوا نجوم، عندنا مصطفى محمد، بقى نجم، وأحمد فتوح ويوسف أوباما وزيزو، وعندنا حارس برقم كبير جدًا، وعندي لاعيبة بتاخد حاجة قليلة جدًا.. محتاجين عدل".

وتابع بأنه مهتم بتطوير فريق الكرة بالنادي وترسيخ الاستقرار فيه، مشددًا على أنه لن ينشغل عن هذا الهدف بأي شيء: "مش فاضيين حد يعطلنا بطوبة ولا بقصة ولا بفكرة، ومعندناش حاجة غير إننا نشتغل، وأي حاجة تانية مش في حسابنا، والهجوم عليّ لأن في ناس مش حابة إني أنجح وتقلق من نجاحي، وفي ناس غاوية تزهق ناس، لكن نادي الزمالك مش هيقع عشان هو كبير بجمهوره طول عمره، والجمهور هو اللي شايل النادي، نادي الزمالك مش بتاع حد، النادي بتاع جمهوره".