أحمد حسام ميدو ومحمود الخطيب
حرص أحمد حسام ميدو، على توضيح موقفه من الصورة التي ألقتها، برفقة محمود الخطيب رئيس مجلس إدارة الأهلي الحالي، وحسن حمدي الرئيس الأسبق للقلعة الحمراء، بعدما تعرض لهجوم كبير من قبل جماهير نادي الزمالك، التي اتهمته بخيانة الكيان الأبيض، بسبب التقرب من رموز المارد الأحمر، ولكن مدرب ولاعب الزمالك السابق، أصر على أن ما فعله لا يتنافى مع انتمائه للقلعة البيضاء.
وقال ميدو: «أساس الشغلانة بتاعتنا أننا نسلي الناس والرياضة دي آخر حاجة موجودة فيها أننا نكره بعض، معرفش ايه اللي حصل واحنا مكناش كده لكن لازم الكلام ده يقف، أنا راجل زملكاوي وبعتز بزملكاويتي وبنادي الزمالك، لكن النهاردة الراجل محمود الخطيب ده أسطورة يعني لما أشوفه واتصور معاه مش معني كده أني راجل عيب».
وكتب ميدو عبر حسابه على موقع التواصل الاجتماعي «تويتر»: «على فكرة لو شوفت محمود الخطيب كل يوم هروح اتصور معاه، ودة اللي اتربيت عليه إني احترم الكبير وأقدره واحترم الناس اللي عملت تاريخ، وده اللي بعلمه لأولادي انهم يحترموا الكبير ويحترموا أي حد اجتهد وأخلص لبلده ولعائلته».
وكان لاعب الزمالك السابق، أشار في الساعات الأولى من صباح اليوم، إلى تعرضه لانتقادات لاذعة بسبب صورته مع الخطيب، قائلاً: «صباح الخير..بتشتم من امبارح انا وعيلتي علشان اتصورت مع كابتن محمود الخطيب..الله يخرب بيت اللي باعلكوا التعصب وباعلكوا فكرة العداء وأن احنا بيننا حرب الله يخرب بيت اللي بدع اللجان الالكترونيه والتريندات.. الله يخرب بيت العيال بتوع السوشيال ميديا اللي بيوزعوا صكوك حب الزمالك».
صباح الخير..بتشتم من امبارح انا وعيلتي علشان اتصورت مع كابتن محمود الخطيب..الله يخرب بيت اللي باعلكوا التعصب وباعلكوا فكرة العداء وان احنا بيننا حرب الله يخرب بيت اللي بدع اللجان الالكترونيه والتريندات..الله يخرب بيت العيال بتوع السوشيال ميديا اللي بيوزعوا صكوك حب الزمالك pic.twitter.com/QIrdOvmDia
— Mido (@midoahm) December 12, 2020
يشار إلى أن أحمد حسام ميدو نجم منتخب مصر والزمالك وتوتنهام السابق، ظهر رفقة محمود الخطيب رئيس النادي الأهلي، بعد الهجوم الأخير الذي تعرض له لاعب الزمالك السابق على قناة النادي، ليوجه عتابًا إلى رئيس مجلس إدارة النادي الأهلي، ويعلن تقديم شكوى رسمية للمجلس الأعلي للاعلام ضد القناة، قبل أن يظهر الثنائي معا، ما أشار إلى انتهاء الخلاف بينهما.
تعليقات الفيسبوك