«أدمن» حازم إمام يرد على جماهير الزمالك: «عمل كتير للنادي لوجه الله»

أخبار متعلقة

عاجل.. محمد عنتر يدخل قائمة الزمالك واستبعاد حازم امام قبل مواجهة الإسماعيلي

خطوة جديدة من الزمالك لتجديد عقد حازم امام

فيديو.. سيد معوض يستعرض مهاراته بكرة التنس.. وحازم امام: "رجلك اليمين فين؟"

حازم امام: مصطفى محمد لازم يركز في الكرة والجماهير لن تتحمل

دخل أدمن صفحة حازم إمام نجم نادي الزمالك السابق، في حوار مع بعض جماهير الزمالك عبر الصفحة الرسمية للاعب السابق، بموقع التواصل الاجتماعي «فيس بوك»، حيث نشر حازم إمام لينك يوتيوب للحلقة الخاصة ببرنامجه عبر الإذاعة، عارضا بعض الرسائل من قبل جماهير الزمالك للسؤال عن دوره تجاه القلعة البيضاء في الوقت الحالي.

ووجهت إحدى المشجعات لنادي الزمالك رسالة لحازم إمام، حيث كتبت له في الكومنتات: «فين دورك مع الزمالك».

ليرد أدمن حازم إمام قائلًا: «ما بيطلعش يقوله في الإعلام».

وأكمل: «ماهو ما بيعملوش عشان الناس تقول عليه برافو شوفوا بيعمل إيه هو بيعمله عشان ده دوره تجاه بيته وناديه واللى كان بيعمله في مجلس الزمالك وفي اتحاد الكورة ودلوقتى على قد ما بيقدر بيعمله بحب ولوجه الله مش عشان الناس تطلع تشكر فيه».

مشجع زملكاوي: لابد أن يظهر دورك الذي تقدمه للزمالك

بدوره رأى مشجع زملكاوي أن هذا لا وقت للعمل في صمت نهائيًا، ولابد من الظهور حيث كتب: «لا مش وقته خالص العمل في صمت ده دا راجل من أهم رموز النادي والوحيد اللي الناس كلها هتقف وراه».

ورد أدمن حازم إمام عليه وكتب: «طاب ماهو أحمد سليمان طلع قال حاجة من اللى حازم بيعملها وقال إنه بيحاول مع رعاة عشان يدخل فلوس للنادى حد سمع الكلام؟ طاب حد بيقول عليه سلبي وما بيعملش حاجة؟؟؟ حد سمع لما أمير مرتضى كان بيقول إنه بيستشيره في الصفقات وكلام ميدو عن اللى بيعمله حازم إمام شخص مش بتاع شو ومنظرة ويطلع يقول أنا عملت للنادى، حازم بيشتغل عشان يرضى ضميره مش يرضى الناس، وياما طلبنا منه يطلع يتكلم عشان الناس تبطل تهاجمه وتقول سلبي وهو يسكت ويقول أنا مش بعمل حاجة عشان أعجب الناس».