عمرو جمال
قال عمرو جمال، لاعب النادي الأهلي المعار لفريق طلائع الجيش، إنه يريد أن يرتبط اسمه دائمًا بالنادي الأهلي، لافتا بأنه سيكون من الصعب أن يتخذ قرارا بالانضمام لنادي الزمالك في حال قرر الأهلي الاستغناء عنه بشكل نهائي.
وخلال ظهور «جمال»، ببرنامج «اللعيب»، رفقة الإعلامي مهيب عبدالهادي، عبر قناة «MBC مصر»، قال عن هذا الأمر: «صعب قوي جدا إني أتخذ قرار الرحيل للزمالك لأن عايز اسمي يكون مرتبط بالأهلي، الزمالك يرضي طموح لاعبين كتير جدا، ومحدش يقدر يقلل منه، وأنا في حال قرر الأهلي الاستغناء عني في الوقت ده، أنا عايز اسمي مرتبط بالنادي الأهلي، وفي حال قررت الانضمام للزمالك هخسر كتير جدا لأن جماهير الأهلي تساندني بقوة، وأنا متواجد في طلائع الجيش، وهخسر جماهير كبيرة وكيان كبير جدًا».
وتابع: «بعد الموسم الجاري المفروض أعود من جديد للنادي الأهلي، وبكل تأكيد الأولوية هتكون لفريقي، والعقد لسه فاضل فيه موسمين، وهشوف الوضع هيكون عامل إزاي، والقرار الأول والأخير هيكون للأهلي، ونفسي أنه يقرر أني أرجع لأن ده القرار اللي أنا عايزه، سيرى الجميع عمرو جمال الذي تغير تمامًا وسيكون غير السنوات الماضية، ولو الأهلي رفض عودتي هشوف العروض اللي جيالي من الخارج ومن الداخل، وصعب جدا أوافق على الإعارة تاني، لأن أنا تمت إعارتي موسمين، مش معقول الأهلي هيقرر إعارتي تاني وارجعله وأنا عندي 30 سنة».
وأكمل عمرو جمال: «بعد قرار الأهلي بالاستغناء عني هفكر وقتها إيه الحاجة اللي مش هخسر فيها حاجات كتيرة جمهور الأهلي مثلا، وهكون محتاج التواجد في فريق قوي جدًا وأكون متواجد في المنتخب المصري».
وردا على سؤال «هل متخيل نفسك بقميص الأبيض؟»، قال عمرو جمال: «مش متخيل نفسي غير بتيشرت الأهلي، وهتكون لحظة صعبة عليا لو مش هكون بتيشرت الأهلي لأنني أعشق الأحمر منذ الصغر».
بيراميدز
-
:
-
07:00 PM
الدوري المصري
مودرن فيوتشر
طلائع الجيش
-
:
-
07:00 PM
الدوري المصري
المصري البورسعيدي
تعليقات الفيسبوك